Varoma 4:12 - Bhiblia Yo Sawuleka

¹² I tate wawe ni vona va va wukwera, na i si nga mhaka ya wukwera dwe, kambe ngu kuwa va tsimbilako ngu nzila ya kukholwa, ayi tate wathu Abrahamu a nga tsimbila ngu yona, ni mbimo yi a nga sinzi kuyiswa wukwerani.

Varoma 4:12 Referans Kwoze

Ndando ya Tindando 1:8

Ngako u si ti zivi, awe wo tshura ngutu hagari ka vavasikati, huma u londetela mikondo ya tinvuta u dyisa tiphongo tako hafuhi ni mazumbo a vadyisi.

Mavingu 2:20

Kasi ku u na tsimbila ngu nzila ya vale vavanene, ni kuvekisa ditshuri da vo lulama.

1 Pedro 2:21

Ngu toneto, mi nga dhanelwa tona, nguko hambi Kristu nene, a tumete kuxaniswa ngu mhaka yanu, kasi ku mi siyela txikombiso, ti to mi na sikota kulondetela mkondo wakwe.

2 Vakorinto 12:18

Ni kombete Titosi kufela ku a txi ta kheyo kwanu, ni txi m'rumela kumweko ni mmwani mwanathu. Ina Titosi a mi dyelete kani? Ina ani ni nene kha hi tsimbili ngu moya wumwewo kani? Ina kha hi tsimbili ngu tsimbilelo yimweyo kani?

Matewu 3:9

mi nga ti kanganyiseni mi txi khanu: ‘Hi ni tate wathu Abrahamu’, nguko na mi gela ti to Txizimu txa sikota kuhindula marigwi awa ma txi maha vanana va Abrahamu.

Jobe 33:11

Txa beta mikondo yangu amu ka makhodha, kambe txa londisela tinzila tangu.

Masalmo 47:9

Vathangeli va vathu va tshangani ve ti pata ni vathu va Txizimu txa Abrahamu. Nguko mifumo ya ha mafuni yi lumba Txizimu; Txizimu txi maneka txitimwi ka sotshe!

Ezekhiyele 33:24

Awe mwanana wa m'thu, ava va zumbako ka makhalo awa a siwula, va womba-womba va txi kha vona: “Abrahamu i ti ti ene ekha nyamne wa mafu awa; kambe athu hi vangi; hi ningilwe ditiko diya ku va thomba yathu.”

Varoma 4:11

Nguko txikombiso txa wukwera a ningilwe kasiku txi maha txixambanyo txa wululami wu a nga amukela ngu kukholwa na a sinzi kuyiswa wukwerani; ngu toneto ene a mahile tate wa va va kholwako, hambi i di makhutu, kasiku ni vona ve mana wululami.

Varoma 4:13

Kunene, i ti si nga mhaka ya Mlayo, txithembiso txi txi nga mahwa ka Abrahamu ni liveleko lakwe ti to a na maha m'dyi wa thomba ya mafu, aniko txi mahilwe ngu mhaka ya kululama ka kukholwa.