Varoma 4:10 - Bhiblia Yo Sawuleka

¹⁰ Se a wombilwe ku mbwo lulama ngu mbimo muni kani? A wombilwe wo lulama, a di yisilwe wukwerani mwendo a sinzi kuyiswa wukwerani kani? A wombilwe a sinzi kuyiswa wukwerani, kha wombwa msana ka kuyiswa.

Varoma 4:10 Referans Kwoze

Vagalatiya 6:15

Ngu toneto, wukwera hi nga txilo, wukhutu ni wona hi nga txilo. Mhaka ya hombe ngu kuhunduluka hi maha txivangwa txa txiphya.

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

Genesisi 17:10

Txitumelelano txangu atxiya mi fanelako ku txi xayisa hagari kwangu ni nawe, awe ni lihunzu lako, msana kwako, ngu txiya: Otshe mazambi anu ma fanete kuyiswa wukwerani.

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Genesisi 15:16

Vanana va liveleko lako la wumune va na wuya kambe kona muwa, nguko konkuwa wubihi wa Vaamori kha wu se hoka magwito ka wona.”

Varoma 4:9

Se kukateka kuwa kulumba va wukwera dwe, mwendo kulumba ni ona makhutu kani? Nguko hi khathu Abrahamu, kukholwa kwakwe ku mningile ku e wombwa wo lulama.

Varoma 4:11

Nguko txikombiso txa wukwera a ningilwe kasiku txi maha txixambanyo txa wululami wu a nga amukela ngu kukholwa na a sinzi kuyiswa wukwerani; ngu toneto ene a mahile tate wa va va kholwako, hambi i di makhutu, kasiku ni vona ve mana wululami.