9 Se hi na txani kani? Ina athu Vajudha hi ngadi ni to pala vamwani kani? Lambi, ni kudotho! Nguko hi kombisile ngu kale ti to hambi i di Vajudha, hambi i di Vagriki, va hahatshi ka txionho;
Se va txi kha vona: Khukha hawa, u nga tshukete hafuhi ni nani, nguko ani ni sawulekile ngutu kupinda awe. Avava mbutshi tithonvuni kwangu, mdilo wu wu turako ditshiku dotshe.
Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.
Ti vhuna txani kani? Ati i ku tona mwendo ti mahwa ngu mibango mwendo ti mahwa ngu mbilu ya yinene Kristu wa huwelelwa: Eto ngu ti ti ni tsakisako. Kambe ti ngadi ti txi na ni tsakisa,
Nguko vavekisi va Mlayo, votshe va maneka hahatshi ka kuruketelwa, nguko ti bhatwe taku: “A ruketetwe wuhi ni wuhi asi vekisiko sileleto sotshe si si nga bhalwa dibhukuni ka Mlayo.”
Se nji txani ni fanelako kumaha kani? Ni na khongela ngu moya, ni txi khongela kambe ngu mapimo; ni na embelela ndando ngu moya, ni txi embelela kambe ngu mapimo.
Ni na womba txani kwanu, kani? Ni na womba ti to nyama ya timhamba ta sizimu sa walo njimaha, kani? Lambi! Aniko, ani ni mi gela ti to timhamba ti ti mahwako ngu vamatiko, va ti mahela madhimoni, kha va ti maheli Txizimu.
Kunene, kasi i mani wu a sawulako kani? Nji txani u ku natxo awe, txo va u sa maha ngu kuningwa kani? Se ngako u di ningilwe, nji txani u txi ti guleta, nga hi nga so si mana ngu kuningwa kani?
Kambe ngako kugombonyeka kwathu ku txi komba kululama ka Txizimu, hi na txani kani? Ina hi nga khathu Txizimu txi bihile, ngako txi txi hi tsayisa ngu kuhenya kani? Ni womba tiya ngu wombelo ya vathu.
Nguko kuhenya ka Txizimu ka ti kombisa ku txi ta ngu nzumani, ku ta peka wubihi ni kugombonyeka ka vathu va va tshingelelako ditshuri ngu kona kwa mbi lulama kwawe;
Ngako a txi ti wona, mfarisi wu a nga mu dhanela sakudya, a to pimisa mbiluni kwakwe, a txi khene: “Idiku mamowa wo va mprofeti, a ndi na m'ziva wu wamsikati a m'gwesako, ti to i mani, nguko ene njionhi.”
Ngu toneto, awe, hambi u di mani ni mani u lamulako vamwani, khu nga ni divalelo, ngako u txi lamula vamwani, wo ti abanisa upune, nguko na nawe wa ti maha tona ti u lamulako ngu tona vamwani.