Varoma 3:8 - Bhiblia Yo Sawuleka

⁸ Se ngu kutxani hi si mahi to biha kasiku ti txi humelela totshura, nga tiya vamwani va hi lumbetako va txi kha vona ngathu hi ti wombako kani? Kambe evo vo ngeto, kuabaniswa kwawe ka va fanela.

Varoma 3:8 Referans Kwoze

Varoma 6:1

Hi na txani koko kani? Hi na simama hi zumba txionhoni, kasi kateko yi anda kani?

Varoma 6:15

Hi na txani kani? Ina hi na onha, akuwa hi ku si nga hahatshi ka mlayo, kambe hi ku hahatshi ka kateko kani?

Varoma 7:7

Hi na txani kani? Ina mlayo njionho kani? Lambi! Kambe idiku ku ti si nga ni mlayo, nga ni sa txi ziva txionho. Nguko ani nga ni sa ziva ti to kuho kunavela, idiku mlayo wu ti sa womba tito: “U nga navele to biha.”

Varoma 5:20

Mlayo wu tile kasi kuonha ku txi anda; aniko, ahawa kuonha ku nga anda kona, kateko yi andile ngu kupindisa;

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

Matewu 5:11

Mi katekile, ngako va txi mi ruketela ni ku mi xanisa, ni ku mi hembela, ve mi lumbeta makuhu ngu mhaka yangu.

2 Vakorinto 6:8

amu kudhundwani ni mu kunyenywani, ka nduma ya yinene ni ka nduma yo biha, hi wonwa hi di vakanganyisi, kasi hi va ditshuri.

2 Vakorinto 11:15

Ngu toneto, kha ti xamalisi ngako sithumi sakwe si txi ti hindula si txi nga sithumi sa kululama. Magwito awe ma na dingana ni mithumo yawe.

Jeremiya 40:16

Aniko Gedhaliya, mwana Ahikamu, a ti khene ka Johanani, mwana Kareya: U nga mahe eto, nguko wa mu hembela Ismayeli.