Varoma 3:5 - Bhiblia Yo Sawuleka

⁵ Kambe ngako kugombonyeka kwathu ku txi komba kululama ka Txizimu, hi na txani kani? Ina hi nga khathu Txizimu txi bihile, ngako txi txi hi tsayisa ngu kuhenya kani? Ni womba tiya ngu wombelo ya vathu.

Varoma 3:5 Referans Kwoze

Varoma 6:19

Ni womba ngu mawombawombelo a vathu ngu mhaka ya dikhodho da wuthu wanu. Ngako mi nga ningela sihango sanu si thumela wubihi ni kuonha, asi si hambanako ni kuranda ka Txizimu, se konkuwa ningelani sihango sanu si thumela kululama akuwa ku yisako kubasiswani.

Vagalatiya 3:15

Vanathu, ni na mi dinganisela ngu txiheno txa kuhanya ka m'thu: Ngako txitumelelano txokari txi di mahilwe ngu tifanelo txi tsana, awalo wu a sikotako ku txi fuvisa, hambi kuengetela timwani txitimwi ka txona.

1 Vakorinto 9:8

Ina ni womba tiya ngu mawombelo ya vathu kani? Ina mlayo kha wu ti wombi ni wona kani?

Varoma 7:7

Hi na txani kani? Ina mlayo njionho kani? Lambi! Kambe idiku ku ti si nga ni mlayo, nga ni sa txi ziva txionho. Nguko ani nga ni sa ziva ti to kuho kunavela, idiku mlayo wu ti sa womba tito: “U nga navele to biha.”

Varoma 4:1

Hi na khathu txani ngu Abrahamu, kokwani wathu ngu ka nyama kani?

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Nahume 1:2

Mkoma i Txizimu txa txiluse ni kuphota; Mkoma wa ti photela ni kutala ngu kuhenya; Mkoma wa ti photela ka vale va m'wukelako, txiviti txakwe a txi vekela valala vakwe.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

1 Vakorinto 15:32

Idiku kulwa kwangu ni sikakaka ditikoni ka Efesu ni to lwela nduma ya mafu dwe, ti ni vhuna txani toneto, ngako ku si nga ho kuwuka ka vafi kani? “He dyeni hi sela, nguko mangwana ha fa.”

Varoma 12:19

Vo randeka ngutu, mi nga photeni mipune, kambe lekani Txizimu txi ti henyela, nguko ti bhatwe ti taku: “Kuphota kulumba ani, ngani ni no tshumetela, kuwomba Mkoma.”

Varoma 6:1

Hi na txani koko kani? Hi na simama hi zumba txionhoni, kasi kateko yi anda kani?

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Varoma 3:7

Se ngako ditshuri da Txizimu di txi pfaliswa ngu makuhu angu, se ni ngadi ni txi lamulelwa txani nga muonhi kani?

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Jobe 8:3

Ina txi ndi na sanula madingano Txizimu kani? Niku wa Mtamo-wotshe a ndi na sanula wululamo kani?

Varoma 5:8

Aniko, Txizimu txa hi kombisa lirando la txona, nguko Kristu a tumete ku hi fela athu hi di ngadi vaonhi.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Varoma 9:30

Se hi na khathu txani kani? Hi khathu: Vamatiko va va nga ti si xoti kululama, va ku mani kululama ku i ku ka kukholwa.

2 Vakorinto 6:4

Aniko, ka totshe hi dhunda kukombisa ti to hi sithumi sa Txizimu; ngu kutimisela ka hombe sikaratoni ni wusiwanani ni mu tiphangoni.

2 Vakorinto 7:11

Aniko, hingani wona mihando ya kupandiseka kwanu, madingano ni kuranda ka Txizimu; kukhutala ka kona! Kutilaya ka kona! Txithavo txa kona! Kuxuxa ka kona! Kukhatala ka kona! Kutsayisa ka kona! Mi kombisile ka totshe, ti to kha mi nga ni mnandu ka mhaka yiya.

Vagalatiya 2:18

Ngako ni txi tshumela ni txi aka atxiya ni nga txi khundumusela, tikomba ti to na tipfa mnandu.