Varoma 3:2 - Bhiblia Yo Sawuleka

² Kasi wukwera wu vhuna txani? Wa vhuna ngutu ngu otshe madhawa. Mhaka yo khata ngu kuwa sithembiso sa Txizimu si nga vekwa manzani kwawe.

Varoma 3:2 Referans Kwoze

Varoma 9:4

i ku va ka Israyeli, ava va nga sawulwa ve mahwa vanana va Txizimu, va txi ningwa wudhumo, situmelelano, mlayo, wukhongeli, ni sithembiso;

Mithumo 7:38

Ngu mbimo ya kusengeletana ka va ka Israyeli txiwulani, ngene Mosi a nga ema ni ngelozi, ayi yi nga womba-womba nayo mmangoni ka Sinayi, kumweko ni vatate vathu; ngene a nga amukela mapswi a wutomi, kasi ku ta hi ninga ona.

Vahebheru 5:12

Nguko, ti ti mi fanete ngu kale kuva mi di vagondisi, kambe ni konkuwa mi ngadi mi txi fanela kugondiswa makhato a timhaka ta Txizimu. Mi hindukile mi txi maha vathu va va fanelwako ngu masi, i si nga ngu sakudya so banga.

1 Vakorinto 9:17

Idiku no thuma tiya ngu kuranda kwangu, ni ndi na fanekelwa ngu kudihelwa; kambe, ngako i si nga ta ku ti maha ngu kuranda kwangu, i mrwalo ni nga sikelwa.

1 Pedro 4:11

Awu a wombawombako, a na womba-wombe ngu kulondisa dipswi da Txizimu. Awu a thumako a na thume madingano ni txyavelo txi a nga hiwa ngu Txizimu, kasiku, Txizimu txi pfaliswa ka sotshe somaha, ngu Jesu Kristu, i ku ene a lumbwako ngu kupfaliswa, ni mtamo, ngu ha ku si gwitiko. Amen!

Mtuletelo 22:6

Se Ngelozi yi to ni gela, yi txi kha yona: “Mapswi yawa ngo thembeka ni a ditshuri, nguko Mkoma, Txizimu txi ningako moya wa txona ka vaprofeti, txi rumete ngelozi ya txona kasi kukomba sithumi sa txona ati ti no maheka ngu kukuluveta.”

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

1 Timoti 6:20

Awe Timoti, veketa si u nga vekelwa manzani kwako, tsimbilela kule ni siwombawomba sa walo, ni kukanetisana ngu timhaka ta wuzivi wa makuhu.

Vagalatiya 2:7

Aniko vona va to ti wona ti to ani ni ningilwe kutxhumayela Evhangeli ka va vo mbi yiswa wukwerani, kufana ni Pedro nene a nga ningwa mthumo wo txhumayela Evhangeli ka va va fumwako ngu mlayo wa wukwera.

2 Vakorinto 5:19

Eto tikomba ti Txizimu txi mahisako tona kasi kutshanganisa ditiko kumweko natxo ngu Kristu, na txi si na mhaka ngu minandu ya vathu; se txi hi ningile mthumo wuwa wa kutshanganisa vathu kumweko natxo.

Varoma 3:3

Se hi na khathu txani, ngako vamwani kwawe va sa thembeka kani? Ina kuthembeka ka Txizimu ku nga fuviswa ngu ku ambi thembeka kwawe kani?

Varoma 2:18

awe u zivako kuranda ka txona, u zivako kuwona ti i ku ta lisima ngu ku u nga gondiswa ngu mlayo,

Varoma 1:2

ayi Txizimu txi nga ti yi thembisile kale, ngu vaprofeti va txona, mu ka Mibhalo yo Sawuleka;

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Dhaniyeli 10:21

Aniko ni na kugela ti ti nga bhalwa dibhukuni ka ditshuri; kha ku na wu a ni vhunako kulwa ni vale, hahanze ka Migeli mthangeli wanu.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Masalmo 119:140

Sithembiso sako si tsani ngutu; ngu toneto ani txithumi txako na si randa.

Varoma 3:1

Ti di mahile eto, atxi Mujudha a palako ngu txona vamwani ngu txihi kani?