Varoma 2:8 - Bhiblia Yo Sawuleka

⁸ kambe ava va kanetako, ava va lambako ditshuri, ve londetela wusoholoki, va na welwa ngu phango ni txiviti.

Varoma 2:8 Referans Kwoze

Mtuletelo 16:19

Didhoropa da hombe di to abaneka ngu madhawa mararu, se madhoropa a mifumo ma to wa, konako Txizimu txi to khumbula Bhabhilona, Didhoropa da Hombe, kasiku txi di ninga digombe da vhinya ya txiviti txa kuhenya ka txona.

1 Pedro 4:17

Nguko yi hokile mbimo ya kukhata ngu Nyumba ya Txizimu yi txi lamulwa. Se ngako ku txi khatwa ngu ngathu njiavelo muni va nota txi mana ava va si engisiko Evhangeli ya Txizimu, kani?

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Mavingu 13:10

Kutikulisa kutisa mazunga, aniko wutxhari wu manwa ka vale va ningako milayo.

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.

Vahebheru 11:8

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi.

Vahebheru 10:27

Aniko hi rinzela kuya pamulwa ngu nzila yo thisa ni mdhikila wa mndilo wu wu no ya hetisa valala va Txizimu.

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Titosi 3:9

Hambana ni timhaka ta kukanetisana ka wupumbu, ni kulondetela txhatxhameto ya sibongo, u txi hambana ni mazunga, ni kukanetisana ngu mlayo, nguko eto kha ti vhuni txilo, kha ti na lisima.

1 Vakorinto 11:16

Aniko kungako m'thu a txi lava kuphikiza, athu kha hi nga ni txiheno txo ngeto, hambi mabanza a Txizimu ni ona kha ma nga natxo.

Varoma 15:18

Nguko nga ni si tsani kuwomba txilo, hahanze ka tile Kristu a nga ti maha ngu ngani, ti to tisa vamatiko kuengisani, ngu mapswi ni mithumo,

Varoma 10:16

Aniko hi nga votshe va va nga amukela Evhangeli. Ngu toneto, Isaya a wombile a txi khene: “Mkoma, i mani a nga kholwa ka ti hi nga txhumayela kani?”

Varoma 9:22

Hi na khathu txani ngako Txizimu txi txi lava kukombisa kuhenya ka txona ni kuzivisa mtamo wa txona? Txizimu txi vile ni kutimisela ngutu ka vale va nga ti fanela kuhenyelwa ngu txona, avale va nga ti lulamisetwe kufuviswa.

Varoma 6:17

Txi na bongwe Txizimu, nguko hambiko mi nga ti tikhumbi ta txionho, kambe mi sikotile kutiningetela ngu yotshe mbilu yanu ka gondo yiya mi nga wuletwa ka yona.

Varoma 1:18

Nguko kuhenya ka Txizimu ka ti kombisa ku txi ta ngu nzumani, ku ta peka wubihi ni kugombonyeka ka vathu va va tshingelelako ditshuri ngu kona kwa mbi lulama kwawe;

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Masalmo 90:11

I mani a sikotako kuziva mtamo wa kuhenya kwako kani? I mani asi thaviko wurena wa kuhenya kwako kani?

Jobe 24:13

Vona va hagari ka vale va lwako ni liwoningo; kha va ti zivi tinzila tawe, kambe kha va tsani tinzilani kwawe.

1 Pedro 3:1

Nananu vavasikati vo tekwa, ti vekeni hahatshi ka vamna vanu, kasiku, ngako vamwani vavamna va si engisi dipswi, ve mana kudhanwa ngu mtamo wa mahanyelo a vasikati vawe, i si nga ngu dona dipswi,

2 Makronika 6:23

awe koko engisa u di nzumani, u maha ati to u lamula sithumi sako, u sunga m'bihi, u mmrweka mnandu wakwe ha msungo kwakwe, u maha ta tinene ka wo lulama, u mmahela madingano ni wululami wakwe.

Mavingu 11:23

Vathu vo lulama va navela wunene dwe, aniko themba ya vaonhi ngu kuhenya.

Jeremiya 34:18

Kambe ni na ningela vathu vava va nga hambunyeta txitumelelano txangu, va nga mbi xayisa sileletelo sa txitumelelano txi va nga txi maha masoni kwangu, aha va nga bhanda dirole ngu hagari ve pinda ngu hagari ka sipande sa kona;

Ezekhiyele 22:31

Ngu kumaha keto, ni tshakunutile kuhenya kwangu; ni va tshokomisile ngu mndilo wa kuhenya kwangu; ni maha ti to nzila yawe yi txi wa txitimwi ka misungo yawe, kuwomba Mkoma Txizimu.

2 Vakorinto 12:20

Ngu toneto, na thava ti to ngako ni txi ta, ni nata mi mana mi si nga ka ti ni ti randako, na nanu mi txi ta ni mana ni di ka ti mi si ti laviko. Na thava ti to hagari kwanu ku txi va ni mazunga, kuvengelana, kuhenyelana, wukhuxu, kurukana, kulumbetana, kutikukumukisa, vhilinganya.

Vagalatiya 5:20

kukhozela sizimu sa walo, wuloyi, livengo, maguwa, txiluse, txitsikivi, kukanetana, ku ambi engisana, mibango,

Vafilipiya 1:17

kambe avale vamwani va huwelela Kristu ngu mhaka ya mibango, i si nga ngu mbilu ya yinene, va txi pimisa ti to va ni engetela kuxaniseka amu kusungwani kwangu.

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

Jakobe 3:14

Aniko, ngako mi di ni wukhuxu wo bava ni moya wo ti randa mipune timbiluni kwanu, mi nga ti kuliseni, kambe mi nga wombeni makuhu o kaneta ditshuri,

Jakobe 3:16

Nguko, ahawa ku ku ni wukhuxu ni mibhando, ku na tumbuluka mazunga ni totshe tixaka ta sionho.