Varoma 2:5 - Bhiblia Yo Sawuleka

⁵ Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Varoma 2:5 Referans Kwoze

Varoma 1:18

Nguko kuhenya ka Txizimu ka ti kombisa ku txi ta ngu nzumani, ku ta peka wubihi ni kugombonyeka ka vathu va va tshingelelako ditshuri ngu kona kwa mbi lulama kwawe;

Ekleziyaste 12:14

Nguko Txizimu txi na yisa mithumo yotshe kulamulwani, ni yotshe yi yi ku kusisalani, mwendo ya yinene, mwendo njo biha.

Judha 1:6

Se tingelozi ti ti nga mbi veketa wukoma wa tona, aniko ti nga leka wukhalo wa tona, a ti vekile mtemani, ti di sungilwe ngu makhodha o mbi guma, ti verela kulamulwa ka ditshiku da hombe.

2 Pedro 3:7

Kasi nzuma ni mafu sa konakuwa, si veketilwe ngu dona Dipswi, si txi rinzela mndilo, si txi rinzela ditshiku do lamulwa ni da kuloviswa ka vathu va va si khataliko ngu Txizimu.

Vahebheru 3:15

ngako ku txi wombwa ku; “nyamsi, ngako mi txi engisa dipswi da Txizimu, mi nga bangiseni timbilu tanu, kufana ni ti ti nga maheka kudukwani.”

Dhewuteronome 32:34

Ina totshe tiya kha ta veketwa ngu ngani, kha ta siswa amu ni sisako kona suma sangu kani?

2 Pedro 2:9

Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

Vahebheru 4:7

Txizimu txa engeta txi veka dimwani ditshiku da “Nyamsi,” ngako txi txi womba-womba kale ngu txisofu txa Dhavhidha, nga ti hi nga wombisa tona msana: “Nyamsi, ngako mi txi engisa dipswi da Txizimu, mi nga bangiseni timbilu tanu.”

Vahebheru 3:13

Ngu toneto, layanani masiku otshe, na ku di ngadi ku txi wombwa ku “Nyamsi” amu ka mibhalo, ati ti wombako athu kasiku ku si vi ni wammweyo hagari kwanu wo ti bangisa, ngu kukanganyiswa ngu txionho.

Varoma 9:22

Hi na khathu txani ngako Txizimu txi txi lava kukombisa kuhenya ka txona ni kuzivisa mtamo wa txona? Txizimu txi vile ni kutimisela ngutu ka vale va nga ti fanela kuhenyelwa ngu txona, avale va nga ti lulamisetwe kufuviswa.

Masalmo 110:5

Mkoma a maneka txineneni kwako; ngako ene a txi henya, a na ganyatela vafumeli.

2 Makronika 30:8

Mi nga bangiseni tithamo tanu kufana ni vatate vanu kambe ningelani dianza danu ka Mkoma se mi wulela amu ka wukhalo wo sawuleka awu ene a nga wu basisa ngu ha ku si gwitiko, mi thumela Mkoma Txizimu txanu, kasi ku kuhenya kwakwe kuhambuka kwanu.

1 Samuwele 6:6

Mi ndi na bangisela txani koko timbilu tanu, kufana ni Vaegipta ni Faro va nga bangisa timbilu tawe kani? Ina msana kova va di va xanisile ngutu, kha va va leka ve tsula, vona kha va tsula kani?

Mtuletelo 6:17

nguko di hokile ditshiku da hombe da kuhenya kwawe, se i mani a no sikota kuema, kani?

Jakobe 5:3

Kubhirela kuwa kufakaza likungo lanu, akuwa ku no dya nyama yanu nga mndilo. Mi sengeletile tithomba ka masiku o gwitisa.

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Dhaniyeli 5:20

Aniko mbimo yi mbilu yakwe yi nga tikulisa, e bangisa msungo wakwe ngu wugwile, a to thaviswa ha txituluni kwakwe ka wukoma, e tekelwa ni wudhumo wakwe.

Ezekhiyele 3:7

Aniko nyumba ya ka Israyeli, kha yi na mbi ti lava ku kuengisa, nguko kha va lavi ku ni engisa ani; nguko yotshe nyumba ya ka Israyeli yi ni khohe yo eyisa ni mbilu yo banga.

Isaya 48:4

Nguko ni ti tiziva ta ku u bangi msungo, thamo yako yi fana ni msiha wa simbi, ni mbanza yako yi fana ni suku.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Mavingu 11:4

Thomba kha yi na txivhuno ka ditshiku da kuhenya ka Mkoma, aniko kululama ka txhatxhisa kufani.

Masalmo 95:8

“Mi nga bangiseni timbilu tanu, kufana ni vakale vanu ditikoni ka Meribha; ku nga ditshiku dile va nga ti txiwulani ka Masa,

Jobe 21:30

Taku wo biha a xayiselwa ditshiku da kuhasamulwa, ni kuguletwa ngu ditshiku da txiviti kani?

2 Makronika 36:13

Hahanze keto, a to wukela mfumeli Nebhukodhonosori, wule a nga ti ti mxambanyisile ngu ditina da Mkoma; kambe a ti bangisile msungo ni mbilu yakwe, asi tshumeleli ka Mkoma, Txizimu txa Israyeli.

Joxuwa 11:20

Nguko Mkoma ngene a nga bangisa timbilu ta vathu vale, ti to ve huma va txi yalwa ni Israyeli, kasi ku a txi va lovisa do gwita, asi va tsetsi, aniko e va lovisa votshe, nga tile Mkoma a nga leleta ka Mosi.

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.

Eksodha 8:15

Aniko Faro mbimo yi a nga wona ti to i txhukwana, mbilu yakwe yi to banga. Ngu mhaka yeto, kha nga va engisa, nga ti Mkoma a nga ti wombile.

Amosi 3:10

Nguko kha va ti zivi kumaha ta tinene, kuwomba Mkoma, va tata tinyumba tawe ta wukoma ngu wugevenga ni wuhasamuli.

Eksodha 14:17

Ani ni na bangisa timbilu ta Vaegipta kasiku va txi mi londeta, kambe ni na dhumiswa ka Faro ni ka yimbi yakwe yotshe, ka sikotxikani sakwe ni ka vagadhi vakwe va mahantxhi.

Eksodha 32:34

Tsula koko konkuwa, thangela vathu u txi ya ha ni nga kuleleta kona. Ngelozi yangu yi na thangela masoni kwako. Aniko ka ditshiku di ni nota thethisa, ni nata va tsayisa ngu txionho txawe.”

Mavingu 1:18

Se vona va riyela kutheketa mnoha wawe vapune; ve baramela wutomi wawe vapune.

Mavingu 28:14

A katekile m'thu wule a simamisako ni txithavo; aniko awule a bangisako mbilu yakwe, a na gwitisa ku wa kubihani.

Jeremiya 40:3

Mkoma a di nehile, e maha ti a nga womba, nguko mi ti ti onhete Mkoma, mi si engisi dipswi dakwe, miza mi humelwa ngu totshe tiya.

Ezekhiyele 11:19

Kambe ni na va ninga mbilu yimweyo, ni thela moya wa wuphya mndani kwawe; se nyamani kwawe ni na thavisa mbilu ya dirigwi, ni txi va ninga mbilu ya nyama;

Hoseya 13:12

Wubihi wa Efrayime wu sungeletwe, txionho txakwe txi vekisilwe.

2 Vakorinto 5:10

Nguko hotshethu hi na ya ema hi txi thethiswa masoni ka Kristu, kasiku mmwani ni mmwani a txi amukela atxile txi m'fanelako, madingano ni wunene mwendo wubihi wu a nga wu maha, a di ngadi a txi hanya wutomi wa mmidi.

2 Vatesalonika 1:5

Sotshe siya, njikombiso txa kulamula ko lulama ka Txizimu; si humelela kasiku mi va ni fanelo ya Mfumo wa Txizimu, wu mi xanisekako ngu mhaka ya wona.

Mtuletelo 2:21

Ni mu sikete masiku, kasi ku e hunduluka. Aniko ene kha ti lavi kuhunduluka ka wugelegele wakwe.