Varoma 2:4 - Bhiblia Yo Sawuleka

⁴ Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

Varoma 2:4 Referans Kwoze

2 Pedro 3:9

Mkoma kha sweli kumaha sithembiso sakwe, nga ti vamwani va alakanyako ti to wa swela, kasi ene ana ni kutimisela ngu nganu. Kha ti lavi ti to ni wammweyo a txi lova, aniko a lava ti to votshe ve hunduluka.

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Eksodha 34:6

Mkoma a to pinda koko ngu masoni ka Mosi, se Mosi e kwangula a txi khene: “Awe Mkoma Txizimu, Txizimu txa wumbilu ni kupfela, wo swela kuhenya kambe wo tala ngu wuha ni kuthembeka!

Vaefesu 1:18

txi woninga timbilu tanu, kasiku mi ziva ti to njithembiso muni atxiya mi dhanelwako txona ngu Txizimu, ni ti to wu talisite kutxani wudhumo wa thomba ya Txizimu, ayi txi nga mi vekela kumweko ni vasawuleki;

Vaefesu 2:7

kasi kukombisa ka timbimo ti titako makatekwa a txona a hombe, ngu wunene wu txi nga va nawo ni nathu ngu ka Kristu Jesu.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

Varoma 3:25

awu txona txi nga m'sikela ti to a na va i di mhamba ya kudihela sionho ngu mnoha wakwe, ka wule a kholwako kwakwe; Txizimu txi mahile tiya kasiku kombisa kululama ka txona ngu kuva txi di divalete sionho si si nga mahwa kale,

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

2 Pedro 3:15

Pimani ti to kuhonisela ka Mkoma wathu ngu kona kuhanyiswa kwanu! Ngu toneto, nene mwanathu wo randeka, Paulo, a mi bhalete ngu yona nzila yiya, madingano ni wuzivi wu a nga ningwa.

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Varoma 11:22

Ngu konaho, khumbuka wunene wa Txizimu, ni kukarata ka txona; Txizimu txa karata ka vale va nga wa; txi komba wunene kwako ngako u txi simama wuneneni; aniko ngako u si mahisi toneto, na nawe u na gangwa.

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Masalmo 78:38

Aniko Txizimu, ngu wumbilu wa txona, txi ti va divalete sionho sawe, txi si va lovisi; sikhati so tala txi thindekile ku va henyela, txi si va kawuki ngu txiviti.

Vaefesu 2:4

Kambe Txizimu, txi nga tala ngu wumbilu ni lirando la hombe, ali txi nga hi randa ngu lona athu,

Ekleziyaste 8:11

Nguko kulamulwa ka wo biha kha ku kuluveti kuta, ngu mhaka yeto, timbilu ta vanana va vathu ti navela kumaha wubihi.

2 Pedro 3:3

Kukhata, mi fanete kuziva ti to ka masiku o gwitisa va na humelela vatseketseli ni sipoyilo sawe, va txi hanyisa ku ambi ti pimela, madingano ni minavelo yawe yo biha.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Vafilipiya 4:19

Txizimu txangu, txi na mi ninga, ngu kutatiseka, sotshe si mi si vilelako, madingano ni kutala ka thomba ya txona ya kuphatima, ngu Kristu Jesu.

Masalmo 10:11

Ngu msana, a womba mbiluni kwakwe, a txi khene: “Txizimu txa divala, txa sisa khohe ya txona, kha txi woni txilo.”

Mtuletelo 3:20

Wona, ni ho ha txikeni, na gogota ditimba: Ngako m'thu a txi engisa dipswi dangu e tula ditimba, ni na wulela nyumbani kwakwe ni lalela nayo, nene e lalela ni nani.

1 Timoti 1:16

A ni mahete wumbilu ani txionhi txo thanga, kasiku Jesu Kristu a txi kombisa ngu ngani kotshe kutimisela ka mbilu yakwe, a txi ni maha txikombiso ka vale va no kholwa kwakwe, ti to ve mana wutomi wo mbi guma.

Vakolosa 1:27

Ka vonavo, Txizimu txi ti lavile kuvaninga kuziva lisima la thomba ni wudhumo wa txona txikungo txiya hagari ka vamatiko: Kristu hagari kwanu i txithembo txa kupfaliswa kwanu.

Varoma 6:15

Hi na txani kani? Ina hi na onha, akuwa hi ku si nga hahatshi ka mlayo, kambe hi ku hahatshi ka kateko kani?

Varoma 6:1

Hi na txani koko kani? Hi na simama hi zumba txionhoni, kasi kateko yi anda kani?

Masalmo 104:24

Mkoma, awe u mahile simaha sasingi u mahile sotshe ngu wuzivi wa hombe! Mafu ma tate ngu sivangwa sako!

Vakolosa 2:2

kasiku timbilu tawe ti txi tsaniswa; se, ti di tshanganisilwe ngu lirando, ti na ningwa kutalelwa ngu kupfisisa ko hetiseka ni wuzivi wa misisalo ya Txizimu, i ku Kristu apune;

Vaefesu 3:16

Na kombela ti to ene, madingano ni kupfuna ka wudhumo wakwe, e mi tsanisa timbiluni kwanu, ngu mtamo wa moya wakwe,

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Varoma 10:12

Kha ku nga ho kuhambana hagari ka Mujudha ni Mugriki, nguko Mkoma wawe i mmweyo, awu a ku ni wuha ka votshelele va va m'khozelako.

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

Jeremiya 7:10

Sekoko mi ta ema masoni kwangu nyumbani muwa, kudhanwako ngu ditina dangu, mi txi khanu: Athu hi hulukile! Na kuve mi ngadi mi txi maha otshe manyaleyo.

Mitengo 14:18

“Mkoma wa timisela kambe a tate ngu wumbilu; wa divalela sionho ni sihambunyeto; hambiko vaonhi kha va leki, ve zumba ku nga kha va na mnandu; ene wa tshumetela sionho sa vatate txitimwi ka vanana vawe kala ka liveleko la wuraru ni la wumune.

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Masalmo 31:19

Mbwa hombe ngutu wunene wako, Mkoma! Awu u nga wu lulamisela avale va kuthembako; awu u mahelako vona vale va kuthembako, masoni ka votshe.

Ezekhiyele 11:19

Kambe ni na va ninga mbilu yimweyo, ni thela moya wa wuphya mndani kwawe; se nyamani kwawe ni na thavisa mbilu ya dirigwi, ni txi va ninga mbilu ya nyama;

2 Vakorinto 8:2

Hagari ka mihumbo ya kuxaniseka ka hombe, ayi ma nga dukwa ngu yona, kambe kutsaka kwawe ku to engeteleka, se hagari ka wusiwana wawe wa hombe va to humisa msengo wawe ngu wuha wa kupindisa mpimo.

2 Pedro 1:11

Ngu yoneyo nzila, mi na tulelwa diphango da wukoma wo mbi guma wa Mkoma wathu ni Muhanysi wathu Jesu Kristu.

Mtuletelo 2:21

Ni mu sikete masiku, kasi ku e hunduluka. Aniko ene kha ti lavi kuhunduluka ka wugelegele wakwe.