Varoma 2:3 - Bhiblia Yo Sawuleka

³ Se awe m'thu, u lamulako va va mahako to nga toneto, kuve wa ti maha nawe, ina u alakanya ti to u na huluka kulamulwani ka Txizimu kani?

Varoma 2:3 Referans Kwoze

Mavingu 16:5

Ni wihi a ku ni mbilu yo ti kulisa njinyenyeko ka Mkoma; hambi a txo pata dianza ka dianza, kha na mbi huluka kutsayiswa.

Varoma 1:32

hambiko va ti zivako ti to Txizimu txi vekile mlayo wu wu wombako ti to avale va mahako toneto, va fanetwe ngu kufa, vona kha va gwiteli ku ti maha dwe, aniko va emela ni vale va ti mahako.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Luka 12:14

Ene a to angula a txi khene: “He mawe! I mani a nga ni maha mlamuli mwendo muaveli wa tithomba hagari kwanu kani?”

Luka 22:58

Msana ka mbimoanyana ya yidotho, mmwani a nga mu wona, a to khene: “Nanawe u mmweyo wawe!” Kambe Pedro a to angula a txi khene: “He mo, kha ni nga mmweyo wawe ani!”

Matewu 26:53

Ina u pimisa ti to ni nga tandeka kukombela ka Tate wangu e ni rumela kunukunukuwa mitxawa ya tingelozi, ya kupinda digumi ni yimbidi kani?

Matewu 23:33

Minyoka-nu, lixaka la timamba! Mi na hulukisa kutxani kuavanyiswani ka gehena?”

Dhaniyeli 10:19

Txi txi kha txona: U nga thave, wamwamna wo dhundeka ngutu! Kudikha ku nave ni nawe! Tsana, ina, tsana! Se a txi ngadi e womba-womba ni nani, ni to tsana ni txi khani: Womba-womba nyamne wangu, nguko wu ni tsanisile.

Ezekhiyele 17:18

Nguko a eyisile txixambanyo, e funya txitumelelano, txo mahwa ngu kuñolana ka manza; a di mahetete totshe eto, kha na mbi huluka.

Ezekhiyele 17:15

Aniko mfumeli wa Jerusalema a to eyisa wule wa Bhabhilona, ngu kurumela mitumi yakwe Egipta, kuya kombela ku tiselwa mahantxhi ni vathu votala; ina a na humelela hambi kuhuluka, awule a mhako eto kani? Niku mwendo a na funya txitumelelano e tutuma kani?

Mavingu 11:21

Wo biha hambi a txo pata dianza ka dianza, kha na mbi huluka kutsayiswa, aniko liveleko la vo luluma li na huluka.

Masalmo 50:21

U mahetete totshe tiya, aniko ani ni malate; u pimisile ti to ani ni fana ni nawe. Aniko ni na kudhana ni ta kulamula, ni txi kuthethisa ngu mithumo yako yi u nga yi maha.

Jobe 35:2

Ina wa dingana kuwomba ku khawe: Kululama kwangu ka pinda kululama ka Txizimu, kani?

2 Samuwele 10:3

Sekoko vathengeli va vanana va Amoni va to kha vona ka nyamne wawe Hanumi: Ina u alakanya taku, Dhavhidha a rumela vathu vava, ku ta kuthavelela ngu kuranda tate wako kani? Ina Dhavhidha kha rumela sithumi sakwe ku ta xola ni ku ta ziva didhoropa diya, kasi a txi na mana ku di hangalasa kani?

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Vahebheru 2:3

se athu hi na hulukisa kutxani, ngako hi txi kanyisa kuhanyiswa kuwa kwathu ka hombe kani? Kuhanyiswa kuwa ku khatile kuhuwelelwa ngu Mkoma, ngu msana ku txi tsaniswa kwathu ngu va va nga tipfa,

Luka 22:60

Pedro a to angula, a txi khene: “He mo, ani kha ni tizivi eto u wombako.” Se, kunukunuko, ene a di ngadi a txi womba-womba, ku to emba mkuku.

Masalmo 56:7

Awe Txizimu, hi hulukise ka wubihi wawe; kuhenyani kwako va wise hahatshi evo vathu.

Varoma 2:1

Ngu toneto, awe, hambi u di mani ni mani u lamulako vamwani, khu nga ni divalelo, ngako u txi lamula vamwani, wo ti abanisa upune, nguko na nawe wa ti maha tona ti u lamulako ngu tona vamwani.

Varoma 2:2

Nguko ha tiziva ti to Txizimu txi lamula ngu nzila ya ditshuri ava va mahako toneto.

Varoma 9:20

Se u mani awe m'thu, u kanetisanako ni Txizimu kani? Ina txiya txo wumbwa txi nga wotisa ka muwumbi wa txona ku “U to ni wumbisa tiya ngu kutxani kani?”