Varoma 2:2 - Bhiblia Yo Sawuleka

² Nguko ha tiziva ti to Txizimu txi lamula ngu nzila ya ditshuri ava va mahako toneto.

Varoma 2:2 Referans Kwoze

Zefaniya 3:5

Mkoma a lulamile hagari ka dona; ene kha mahi to biha; mixo ni mixo a wuyisa wululamo wakwe hakubasani; kha dhuki a txi pwateka; hambi keto, wa kubiha kha nga ni tingana.

Masalmo 145:17

Mkoma a lulamile ka totshe tinzila takwe, ni kusawuleka ka yotshe mithumo yakwe.

Jeremiya 12:1

Wa kululama ngutu ngawe, Mkoma, hambi ni txo kanetisana ni nawe; hambi keto, ni na bhula ni nawe ngu malamulelo ako. Ngu kutxani va kubiha ve humelela kani? Va kateka ngu kutxani votshe va va nga mbi thembeka kani?

Masalmo 98:9

masoni ka Mkoma, a tako ku ta lamula ditiko, ku ta lamula ditiko ngu kululama, a txi lamula vathu ngu fanelo.

Masalmo 96:13

tsakani masoni ka Mkoma, nguko wata nguko a tela ku ta vhuna mafu; a na lamula ditiko ngu kululama, ni vathu ngu ditshuri dakwe.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 16:5

Se ni to engisa ngelozi ya mati yi txi kha yona: “Mlulami ngawe, u kuho, awe u nga ti ho, awe Msawuleki, nguko u lamulisile toneto.”

Varoma 9:14

Se hi na khathu txani kani? Ina hi na khathu Txizimu kha txa lulama kani? Lambi!

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Mithumo 17:31

Nguko Txizimu txi vekile ditshiku di txi no lamula mafu ngu dona, ngu malamulelo o lulama, ngu m'thu wu txi nga ti sawulela ene, txi tsanisa mhaka yiya ka votshe ngu ku mu wusa ka vakufa.”

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Ezekhiyele 18:29

Hambi keto nyumba ya ka Israyeli yi kha yona: Nzila ya Mkoma kha ya lulama. Ina tinzila tangu kha ta lulama, awe nyumba ya ka Israyeli kani? Ina tinzila tanu kha ta gombonyeka kani?

Ezekhiyele 18:25

Ma womba mi txi khanu: Nzila ya Mkoma hi nga yo lulama. Engisa koko awe nyumba ya ka Israyeli: Nzila yangu kha ya lulama kani? Hi nga tinzila tanu ti nga gombonyeka kani?

Isaya 45:21

Zivisanani mi tshuketa, mi maha txikungo motshenu; i mani a nga zivisa tiya kukhukhela kale kani? I mani kukhukhela kaleko a nga zivisa kani? Ina hingani Mkoma kani? Se kha ku na tximwani Txizimu hahanze kwangu; Txizimu txo lulama, ni M'uhanyisi, kha txingaho, hahanze kwangu.

Isaya 45:19

Kha na womba-womba txihujani, hambi ka wukhalo wa txidema wa ha mafuni; kha na womba ka liveleko la Jakobe, ni txi khani: Ni laveni walo; ani ngani Mkoma, ni wombawombako kululama, ni zivisako timhaka ta tinene.

Masalmo 9:4

Nguko wa vhikela fanelo yangu ni mhaka yangu, u di khalahatshile ha txikhaloni ka wukoma, u txi lamula ngu kululama.

Jobe 34:23

Nguko Txizimu kha txi lavi kulaphisa mbimo kasi kuyisa m'thu masoni ka txona, kuya lamulwa.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Varoma 2:1

Ngu toneto, awe, hambi u di mani ni mani u lamulako vamwani, khu nga ni divalelo, ngako u txi lamula vamwani, wo ti abanisa upune, nguko na nawe wa ti maha tona ti u lamulako ngu tona vamwani.

Varoma 2:3

Se awe m'thu, u lamulako va va mahako to nga toneto, kuve wa ti maha nawe, ina u alakanya ti to u na huluka kulamulwani ka Txizimu kani?