Varoma 16:4 - Bhiblia Yo Sawuleka

⁴ ava va nga ti ha phangoni ka kufa ngu kulava kuponisa wutomi wangu; hi nga ani nokha ni va bongako, aniko ni mabanza otshe a vamatiko.

Varoma 16:4 Referans Kwoze

1 Johani 3:16

Lirando hi li zivisa tiya: Jesu a ningete wutomi wakwe ngu mhaka yathu; se nathu hi fanete kuningela wutomi wathu ngu mhaka ya vanathu.

Vafilipiya 2:30

nguko a zite e lava kufa ngu mhaka ya mthumo wa Kristu, asi khatali ngu kufa, kasiku e mi tsiveta ka tile mi si sikotiko ku ni vhuna ngu tona.

1 Vatesalonika 2:14

Vanathu, anu mi ti mahile vaeteteli va mabanza a Txizimu ma ku Judheya, ngu ka Kristu Jesu; nguko na nanu mi xanisilwe ngu va ka kwanu, kufana ni vona va nga xanisiswa toneto ngu Vajudha.

1 Vakorinto 16:1

Ka mhaka ya msengo wa kuvhuna vasawuleki, na nanu mahani tonti ni nga rumela kumaha ka makholwa a mabanza a Galatiya.

1 Vakorinto 7:17

Ngu toneto, m'thu ni m'thu a na mahe nga ti a nga ningiswa tona ngu Mkoma, mwendo nga ti Txizimu txi nga m'dhanisa tona. Ngu tona ti ni rumisako tona ka otshe mabanza.

Varoma 5:7

Ta karata m'thu kutumela kufela m'thu kulowe, hambi i di wo lulama; mwendo ti nga maheka ti to m'thu wokari e tumela kufela m'thu wu i ku wamnene.

Mithumo 16:5

Ngu konaho, mabanza ma ti tsaniswa amu ka likholo, me anda ditshiku ni ditshiku.

Mithumo 15:41

Se a txi pinda ngu ka matiko a Siriya ni Kilikiya, a txi tsanisa mabanza.

Johani 15:13

Ku walo m'thu wu a ku ni lirando la hombe ngutu kupinda la wule a ningelako wutomi wakwe ngu mhaka ya vangana vakwe.

Mika 2:3

Ngu toneto, Mkoma a khene: Wonani taku ni na yisa wubihi ka liveleko liya, ka lona kha mi na mbi thavisa tithamo tanu, se kha mi na mbi tsimbila ngu matshanza, nguko mbimo yi na va yi di bihile.

2 Samuwele 22:41

Se u ni ningile magondo a valala vangu, avale va nga ti ni nyenya, se ni va hoxotile.

Joxuwa 10:24

Ngako va di va humisile vafumeli vale, Joxuwa a to dhana votshe vavamna va ka Israyeli, aha a nga womba ka vathangeli va vathu va yimbi, avale a nga ti navo a txi khene: “Tshuketani mi txi ta veka mikondo yanu ha tithamoni ka vafumeli vava.” Se va to tshuketa ve veka mikondo yawe ha tithamoni ka vafumeli vale.

Mtuletelo 1:4

Ani Johani ni bhalela mabanza a mtxhanu ni mambidi ma ku Asiya: Kwanu na mi navelela makatekwa ni kudikha, si txi huma ngu ka wule a kuho, awule a nga ti ho, awule a tako, si txi huma ngu ka mtxhanu wa mimoya ni yimbidi yi ku masoni ka txikhalo txakwe txa wukoma,

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Mithumo 15:26

i ku vathu va va nga ti ningela kasi kuthumela ditina da Jesu Kristu, Mkoma wathu.

Varoma 16:3

Ni dinguleleni Priskila ni Akila, sithumi kulothi ngu ka Kristu Jesu;

Varoma 16:5

Dingulani ni dibanza diya di sengeletanako nyumbani kwakwe. Dingulani txirandwa txangu Epenetusi, awu i ku m'hando wo khata ka Kristu ditikoni ka Asiya.