Varoma 15:1 - Bhiblia Yo Sawuleka

¹ Athu hi ku ni mtamo, hi fanete kurwala kutandeka ka va va ku si nga ni mtamo, hi si lavi asi si tsakisako wutumbu wathu dwe.

Varoma 15:1 Referans Kwoze

1 Vatesalonika 5:14

Ha mi laya, vanathu, kawukani sindaka-milayo. Tsanisani ava va ku ni dizowa, vhunani ava va ku ni dikhodho, mi va ni kuhonisela ka votshe.

Varoma 14:1

Amukelani awu a nga mbi tsana likholoni, mi si kanetisani nayo ngu ti a kholwisako tona.

1 Vakorinto 9:22

Hagari ka vale va dikhodho mu ka likholo, ni ti mahile wa dikhodho nani kufela ku ni txi va mana. Ni ti mahile sotshe ka votshe kufela ku ni txi mana kuhanyisa vamwani ngu totshelele tinzila.

1 Johani 2:14

Ni mi bhalete anu vatata, nguko ma m'ziva awule i ku ene kukhukhela makhatoni. Ni mi bhalete anu, vavaphya, nguko mi na ni mtamo, ni Dipswi da Txizimu di kwanu, kambe mi xute m'bihi.

2 Timoti 2:1

Ngu toneto, awe, mwanangu, tsana ka tikateko ti ti ku ka Kristu Jesu.

Varoma 4:20

Ngu mhaka ya txithembiso txa Txizimu, kha nga kana-kana ngu txilo mu ka likholo, aniko a to tsaniswa kukholwani, na a txi dhumisa Txizimu,

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

2 Vakorinto 12:10

Ani na tsaka kutandekani kwangu, kurukwani kwangu, kupwatani kwangu, kunyenywani kwangu, kuxanisekani kwangu, ngu mhaka ya Kristu. Nguko, mbimo yi ni pfako kutandeka, nguyo mbimo ni ku ni mtamo.

1 Vakorinto 4:10

Athu hi sipumbu ngu mhaka ya Kristu, se anu mi titxhari ngu ka Kristu; athu hi mapwembwe, anu mi tindena; anu mi vo xonipheka, athu hi vo eyiseka,

Varoma 14:2

Nguko likholo la mmwani la m'tumelela kudya sotshe silo, kasi awu wa ku ambi tsana, a dya mndiwo wa mazokoro dwe.

Vafilipiya 2:4

Kha kulaveki ti to mmwani ni mmwani a txi khatalela si i ku sakwe dwe, aniko mmwani ni mmwani a na khatalele ni sa vamwani.