Varoma 13:7 - Bhiblia Yo Sawuleka

⁷ Va ningeni votshe asi si va fanelako: Awu a fanelako kuamukela mkhupo mningeni; awu a fanelako kuamukela nduwo, mluveni; awu a fanelako kuxoniphwa, mxonipheni; awu a fanelwako ngu txithavo, mthaveni.

Varoma 13:7 Referans Kwoze

Luka 20:25

Sekoko a to khene kwawe: “Ningelani ka Khezari asi i ku sa Khezari, ni ka Txizimu asi i ku sa Txizimu.”

Matewu 17:25

Ene a va xamute a txi khene: “Ina, wa humisa.” Mbimo yi a nga wulela nyumbani, Jesu a to thanga ene a txi khene ka Pedro: “U wona txani ngu mhaka yiya, awe Simoni, kani? Vafumeli va ha mafuni va sengisa ni kukhupisa vamani kani? Va khupisa vanana vawe, mwendo va khupisa vamatiko kani?”

Mavingu 24:21

Mwanangu, thava Mkoma, ni mfumeli, kambe u nga ti wulete ka vale va lavako kuwusa kulwa.

1 Timoti 5:17

Madhota awa ma tsimbitisako ta tinene mthumo wa wuthangeli, ma fanetwe ngu kutshungulwa kambidi, ngutu-ngutu aawa ma thumelako kutxhumayela dipswi ni kugondisa;

Matewu 22:21

Se vona va ti kha vona: “Nza Khezari.” Sekoko Jesu a to va xamula a txi khene: “Ningelani ka Khezari asi i ku sa Khezari, ni ka Txizimu asi i ku sa Txizimu.”

Vaefesu 6:5

Anu sithumi, engisani vanyamne vanu va ha mafuni, ngu txithavo ni kudhudhumela, na timbilu tanu ti di basile, kota nga mo engisa Kristu.

1 Pedro 3:7

Kufana ni toneto, na nanu vavamna, hanyani ngu kuengisana ni vasikati vanu, mi txi zumba navo ngu txithavo, nga siya sa kwa mbi tsana, mi txi va xonipha kambe, ngukuva i di vadyi kuloni va thomba ya kateko, yi yi ningako wutomi, kasi ku mikombelo yanu yi si tsivelwi ngu txilo.

1 Timoti 6:1

Votshe va va ku hahatshi ka dikange da wukhumbi va na wone vanyamne vawe nga vathu va va fanelako kuvekelwa txithavo, kasiku ditina da Txizimu ni gondo ya txona si si solwi.

Vaefesu 5:33

Ngu toneto, mmweyo ni mmweyo wanu, ngu kwakwe, a fanete kuranda msikati wakwe, nga ti a ti randisako tona ene apune; nene wamsikati e xonipha mwamna wakwe.

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Marku 12:17

Se Jesu e va xamula a txi khene: “Tshumetelani Khezari, asi i ku sa Khezari, ni Txizimu asi i ku sa Txizimu.” Se va to xamala ngutu.

1 Samuwele 12:18

Sekoko Samuwele a to kombela ka Mkoma, se ka ditshiku donedo Mkoma a to dhindisa txingwalangwanda ni kunisa mati; ngu kumaha keto, vathu votshe va to thava ngutu masoni ka Mkoma ni ka Samuwele.

Levhi 19:32

Khukha u txi ema, u komba txithawo ka wule a ku ni msungo wa wunvi, u txi xonipa m'thu wule i ku wa hombe. Thava Txizimu txako: Ani ngani Mkoma.

Levhi 19:3

Mmweyo ni mmweyo a na thave tate wakwe ni mame wakwe, e vekisa Masabbata tangu. Ani ngani Mkoma, Txizimu txanu!

Eksodha 20:12

Thava tate wako ni mame wako kasiku masiku ako ma na engetelwa ka ditiko di u nga ningwa ngu Mkoma, Txizimu txako.

1 Timoti 5:13

Hahanze keto, vavasikati va va nga felwa i di ngadi vaphya, ngako va si thumi txilo, va gonda kurenzelekela ni miti, i si nga ngu mhaka ya wukara dwe, aniko kambe va ti ningetela mu ka siwombawomba sa kulenga vamwani, ve ti maha valanduli va timhaka ta wutomi wa vane, ve womba-womba ngu ti ti si faneliko kuwombwa.

Mavingu 3:27

U nga va tone somaha a vale si va lumbako, na mtamo wo maha eto wu di manzani kwako.

Luka 20:22

Ina ha tumelwa kuningela mkhupo ka Khezari mwendo kha hi tumelwi kani?”

Varoma 12:10

Zumbani ngu kurandana nga vanana va m'thu mmweyo, mi txi palisana ngu kukombisa txithavo ka mmwani ni mmwani.

Varoma 13:6

Ngu konaho mi humisako mikhupo, nguko vafumeli nzithumi sa Txizimu, si khutalako ka mthumo wuwa.

1 Vafumeli 3:17

Mmweyo wa vavasikati vale a to khene: Ha! Mfumeli wangu, ani ni wu wamsikati hi zumba nyumbani kumweko, se ni mane mwanana ni ti ka yona nyumba yile.