Varoma 13:2 - Bhiblia Yo Sawuleka

² Ngu konaho, ava va engisako wukoma, va engisa mlayo wu wu nga vekwa ngu Txizimu. Se ava va eyisako va dhana kuabaniswa txitimwi kwawe.

Varoma 13:2 Referans Kwoze

1 Pedro 2:13

Ngu mhaka ya Mkoma, ti vekeni hahatshi ka milayo ya wukoma wa ha mafuni: Ka mfumeli, ni ka wa hombe,

Titosi 3:1

Alakanyisa votshe ti to va fanete kutiveka hahatshi ka vafumeli ni ka vakoma, va fanete ku va engisa, ve zumba va di ti lulamisete kumaha mthumo wuhi ni wuhi wo lulama,

Jakobe 3:1

Vanathu, mi nga laveni ku bhi motshenu ngu ku ti maha vagondisi, nguko ma tiziva ti to hi fanete kuya kuthethiswani ko karata.

Varoma 13:5

Ngu konaho, mi fanete kutiveka hahatshi ka wukoma, i si nga ngu kuthava kuhenyelwa dwe, aniko ngu mhaka ya livhalo.

Marku 12:40

Va xakela silo sa tinoni, va txi ti dyelela ngu kulaphisa mikombelo. Va na mana txitsayiso txo karata.”

Luka 20:47

Va handa tinyumbani ka tinoni, ve ti guleta ngu kumaha mikombelo yo lapha. Vonavo va nata lamulwa ngu kulamulwa ku kupindisako.”

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.

Eksodha 16:8

Mosi a to womba kambe a txi khene: “Minova yiya Mkoma a na mi ninga nyama midya, se ni mixo, a na mi ninga sakudya si mi no khura ngu sona, nguko a engisile kungungurukela kwanu ngu mhaka yakwe. Nguko athu, hi vamani kani? Kungungurukela kwanu hi ngako wukela athu, aniko ngo wukela Mkoma.”

Varoma 9:19

Sekoko u na khawe kwangu: “Se Txizimu txi sola txani kambe kani? Nguko i mani a sikotako kulamba kuranda ka txona kani?”

Varoma 13:1

M'thu ni m'thu a na engise wukoma; nguko kha ku nga ni wukoma wu wu sitiko ngu ka Txizimu. Se vafumeli va va kuho va vekilwe ngu Txizimu.

Varoma 13:3

Nguko ava va fumako hi nga valala ka mithumo ya yinene, aniko hahanze ka yile yo biha. Ina u dhunda kuhanya u si nga ni txithavo ka wuthangeli kani? Maha ta tinene, u na dhundwa ngu wukoma;