Varoma 13:12 - Bhiblia Yo Sawuleka

¹² Wusiku wu pindile, kutxa ka tshuketela. He lekeni mithumo ya txidema, he xomeni matxhari a liwoningo.

Varoma 13:12 Referans Kwoze

Vaefesu 5:11

Mi nga wuleleni amu ka mithumo ya txidema, ayi yi si ningiko mihando, kambe yi vayileleni masoni ka votshe vathu.

2 Vakorinto 6:7

ngu dipswi da ditshuri, ngu mtamo wa Txizimu, ngu matxhari a kululama hi ma ñolako ngu manza a txinene ni a txibhabha,

Jakobe 1:21

Ngu konaho, thavisani yotshe nzambwa ni wubihi wu wu pindako, mi txi amukela ngu kudikha dipswi di di nga phaywa timbiluni kwanu, adi di nga sikotako ku mi hulukisa.

Isaya 30:22

Kambe asi si vhikelako sithombe sako sa nzalama, si na va si di nyenyezisilwe, ni si si vhikelako sithombe sako so tshulwa ngu nzalama; se u na si tshotsha hahatshi nga sigwanda sa nzambwa, kambe u na khawe ka tximwetxo ni tximwetxo txa sona: Humani hawa!

Vaefesu 4:22

di rumako kuleka mahanyelo a m'thu wa kale, a nga txi mi fuma kaleko, m'thu wu a nga xangiswa ngu minavelo yo kanganyisa.

Varoma 13:14

Aniko ambalani Mkoma Jesu Kristu, mi nga khataleleni mmidi, kasiku mi si londisi kunavela ka wona.

Ndando ya Tindando 2:17

An'ze kuza ditxa, ni mitsudi yi mwalala, txirandwa txangu wuya; u fana ni txipene mwendo mbavala txitimwi ka mmango wa Bheteri.

Mtuletelo 22:10

Se ngelozi yi engeta yi txi kha yona: “U nga sise ngu kulema mapswi a kuprofeta ka dibhuku diya, nguko mbimo yi hafuhi.

1 Pedro 2:1

Ngu toneto, lekani wotshe wubihi, makuhu, wuxengeteli, livengo, ni totshe tixaka ta siruko,

Isaya 2:20

Ka ditshiku dile, vathu va na rinza ka mirukunya ni ka madema sithombe sawe sa silivhela ni sa nzalama, asi vona va nga si maha kasi kuva txi si khozela.

Mtuletelo 1:3

A katekile awule a gondako ni vale va engisako dipswi da txiprofeto txiya, ngako va txi vekisa ati ti nga bhalwa, nguko mbimo yi hafuhi.

1 Vakorinto 7:29

Na mi gela, vanathu, ti to txikhati txi komile. Kukhukhela ka konkuwa, ava va ku ni vasikati va na hanyise ku nga kha va nga navo;

1 Vakorinto 10:11

Ngu toneto, sotshe simaha siya si va humelete kasi kumaha txikombiso kwathu, kambe si bhatwe kasi ku hi laya athu hi nga hoka magwito ka timbimo.

2 Vakorinto 10:4

Nguko, matxhari awa hi lwako ngu ona hi nga a kuthumiswa ngu vathu, aniko mtamo wa ona wuta ngu ka Txizimu. Athu ha hasamula makungo a mipalavanya;

Vaefesu 5:8

Kale mi ti hanyela mtemani, aniko mi hindukile mi maha liwoningo ngu ka Mkoma. Tsimbilani kha kwati, nga ti mi ku vanana va liwoningo.

Vahebheru 10:25

Hi nga lekeni misengeletano yathu, nga vamwani va tolovelako kumaha. Aniko ahi laveni tinzila to tsaniselana yotshe mbimo, ngutu-ngutu akuwa mi wonako ditshiku da Mkoma di txi tshuketela.

Vahebheru 12:1

Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.

Jakobe 5:8

Nga toneto, na nanu timiselani; tsanani timbilu tanu, nguko ku hafuhi kuwuya ka Mkoma.

1 Pedro 4:7

Se magwito a sotshe somaha ma hafuhi. Ngu toneto, zumbani mi di ni mapimo amanene, mi txi ti wonela mi khongela.

2 Pedro 3:9

Mkoma kha sweli kumaha sithembiso sakwe, nga ti vamwani va alakanyako ti to wa swela, kasi ene ana ni kutimisela ngu nganu. Kha ti lavi ti to ni wammweyo a txi lova, aniko a lava ti to votshe ve hunduluka.

2 Pedro 3:11

Akuwa ku no hya sotshe simaha siya si txi guma, anu mi fanete kuva ni mahanyelo o sawuleka a wukhongeli,

1 Johani 2:18

Sivananananu sangu, txi hokile txikhati txo gwitisa; mi ti engisile ti to wata Mkaneti wa Kristu, na kasi vaho vavangi va ti maha vakaneti va Kristu; ngu konaho hi ti zivako ti to txi hokile txikhati txo gwitisa.