Varoma 13:11 - Bhiblia Yo Sawuleka

¹¹ Mahani totshe tiya, nguko ma yi ziva mbimo yi hi ku ka yona: Se i mbimo yo wuka wukoheni. Konkuwa kuhanyiswa kwathu ku hafuhi ngutu kupinda mbimo yile hi nga amukela ngu yona likholo.

Varoma 13:11 Referans Kwoze

1 Pedro 4:7

Se magwito a sotshe somaha ma hafuhi. Ngu toneto, zumbani mi di ni mapimo amanene, mi txi ti wonela mi khongela.

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

1 Vakorinto 15:34

Wukani ta tinene, mi nga yeni masoni ngu kuonha. Vamwani kwanu va hanya va si zivi ni txilo ka timhaka ta Txizimu. Ni womba tiya kasiku mi tipfa tingana.

Mtuletelo 22:20

Awule a fakazako timhaka tiya wa womba a txi khene: Ina, ani nata kunukunuku!” Amen. Ngono, Mkoma Jesu!

Luka 21:28

Mbimo yi ti no khata kuhumelela tiya, gulani maso mi txi wona txitimwi, nguko ku hafuhi kuhanyiswa kwanu.”

Mtuletelo 22:12

Wonani, ani nata konkuwa, kambe ni nata ni hakhelo: Ni na ta ninga mmwani ni mmwani madingano ni mithumo yakwe.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Jona 1:6

Se mthangeli wa txitimela a to tshuketela kwakwe a txi m'gela tiya: Wo va ni txani u otelako kani? Wuka, khukha u dhana Txizimu txako; kutilava ngu kumaha keto, Txizimu txi nga hi alakanya, kasiku hi si lovi.

1 Vakorinto 10:11

Ngu toneto, sotshe simaha siya si va humelete kasi kumaha txikombiso kwathu, kambe si bhatwe kasi ku hi laya athu hi nga hoka magwito ka timbimo.

Matewu 16:3

Ni mixo, mi khanu: ‘Nyamsi ku nava ni diphuho, nguko nzumani ku ni madhuvi.’ Ma tiziva ta tinene kutxhamusela khohe ya nzuma, se mi sindwa ngu txani kuziva sikombiso sa timbimo kani?

Jakobe 5:8

Nga toneto, na nanu timiselani; tsanani timbilu tanu, nguko ku hafuhi kuwuya ka Mkoma.

2 Pedro 3:9

Mkoma kha sweli kumaha sithembiso sakwe, nga ti vamwani va alakanyako ti to wa swela, kasi ene ana ni kutimisela ngu nganu. Kha ti lavi ti to ni wammweyo a txi lova, aniko a lava ti to votshe ve hunduluka.

2 Pedro 3:11

Akuwa ku no hya sotshe simaha siya si txi guma, anu mi fanete kuva ni mahanyelo o sawuleka a wukhongeli,

1 Johani 2:18

Sivananananu sangu, txi hokile txikhati txo gwitisa; mi ti engisile ti to wata Mkaneti wa Kristu, na kasi vaho vavangi va ti maha vakaneti va Kristu; ngu konaho hi ti zivako ti to txi hokile txikhati txo gwitisa.

Mtuletelo 1:3

A katekile awule a gondako ni vale va engisako dipswi da txiprofeto txiya, ngako va txi vekisa ati ti nga bhalwa, nguko mbimo yi hafuhi.

Mtuletelo 22:10

Se ngelozi yi engeta yi txi kha yona: “U nga sise ngu kulema mapswi a kuprofeta ka dibhuku diya, nguko mbimo yi hafuhi.