Varoma 12:8 - Bhiblia Yo Sawuleka

⁸ awu a nga ningwa kulaya a na laye; awu a abaniselako, a na mahe ngu kutxhatxheka; awu i ku mthangeli a na thume ngu kutiningetela; awu a mahako mithumo ya wumbilu a na yi mahe a di henemene.

Varoma 12:8 Referans Kwoze

2 Vakorinto 9:7

M'thu a na ningele kota nga ti a xuvisako tona mbiluni kwakwe, asi karateki mwendo kukurumetwa, nguko Txizimu txi randa awu a ningelako ngu litsako.

1 Timoti 5:17

Madhota awa ma tsimbitisako ta tinene mthumo wa wuthangeli, ma fanetwe ngu kutshungulwa kambidi, ngutu-ngutu aawa ma thumelako kutxhumayela dipswi ni kugondisa;

1 Vakorinto 12:28

Avale Txizimu txi nga va veka, mndani ka dibanza, kuthanga txi vekile vapostoli, ka wumbidi txi vekile vaprofeti, ka wuraru txi vekile vagondisi. Ngu msana kuta sihiwa sa kumaha sidiwukiso, sa kuhanyisa valwali, sa kuvhuna vamwani, sa kuthangelela mthumo, kuwombawomba tidimi to tala.

Vahebheru 13:17

Engisani vathangeli vanu, mi txi ti veka hahatshi masoni kwawe; nguko ngu vona va karatekelako mimoya yanu. Ngu vona va no ya angula ati ti dinganako vona. Ngu toneto, va na sikota kuthuma mthumo wawe ngu kutsaka, va si wu thumi ngu kudila. Nguko eto, nga ti si mi vhuni txilo.

Mithumo 15:32

Se Judha ni Silasi, ngako i ku vaprofeti ni vona, va to laya vanawe ngu mapswi o tala, ve va tsanisa.

Mithumo 13:15

Msana ka kugondwa dibhuku da Mlayo ni Vaprofeti, vathangeli va disinagoga, va to rumela dipswi, va txi kha vona: “Vanathu, ngako mi di ni dipswi do laya vathu, mi ngadi womba.”

Vahebheru 13:24

Dingulani votshe vathangeli vanu. Votshe vasawuleki va mi dingula, ava va kuta ngu Italiya.

Vahebheru 13:22

Vanathu, na mi kurumeta kutimisela ka mapswi awa ni mi layako ngu ona. Nguko, ni mi rumete amadotho dwe.

Vahebheru 13:7

Alakanyani vathangeli vanu, ava va nga mi txhumayela dipswi da Txizimu. Wonisisani ati wutomi wawe wu nga gwitisa tona, mi txi londetela likholo lawe.

Vahebheru 10:25

Hi nga lekeni misengeletano yathu, nga vamwani va tolovelako kumaha. Aniko ahi laveni tinzila to tsaniselana yotshe mbimo, ngutu-ngutu akuwa mi wonako ditshiku da Mkoma di txi tshuketela.

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

1 Vakorinto 14:3

Awu a wombako dipswi a womba-womba ka vathu, kasiku a txi va aka, a txi va tsanisa, a txi va thavelela.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Mithumo 20:2

Ngako a di tshawunyetile matiko awa, ni ngako a di tsanisile vanawe ngu mbimo yayingi, a to hoka Gresiya;

1 Timoti 4:13

Na u txi verela kubwaka kwangu, ti ningetele amu ka kugonda dibhuku, amu ka kulaya, amu ka kugondisa.

1 Vatesalonika 2:8

Ngu nzila yo nga toneto, nanathu kota nga ti hi nga ti mi dhunda, hi xuvile kuabana ni nanu i si nga dipswi da Evhangeli ya Txizimu, dokha, aniko hambi ni wona wutomi hi ti ti lava ku wu ningela ngu kota yanu, nguko anu mi vo randeka ngutu kwathu.

1 Vatesalonika 2:3

Nguko, kukhongotela kwathu hi nga mhaka yo ta ngu kudyelelani mwendo nzambwani, kambe hi nga mhaka ya kuta ngu kukanganyisani.

Vakolosa 3:22

Anu sithumi, engisani vakoma vanu va ha mafuni ka timhaka totshe, va thumeleni, i si nga ngu mhaka ya ku mi woneleta, nga mo lava kutsakisa vathu, aniko thumani ngu mbilu ya yinene, ngu kuthava Mkoma.

Vaefesu 6:5

Anu sithumi, engisani vanyamne vanu va ha mafuni, ngu txithavo ni kudhudhumela, na timbilu tanu ti di basile, kota nga mo engisa Kristu.

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

2 Vakorinto 9:13

Ngako va txi wona mthumo wuwa wu kombisako wunene wanu, vona va na dhumisa Txizimu ngu mhaka ya kuengisa kwanu ka timhaka ta Evhangeli ya Kristu. Kambe vona va na dhumisa Txizimu ngu msengo wa wunene awu anu mi va vhunako ngu wona, i si nga vona vokha, aniko ni votshe vathu.

2 Vakorinto 9:11

Mi na fumiswa ka sotshe simaha, kasiku mi sikota kuninga ngu nzila yihi ni yihi, ati ti no maha ku mmweyo ni mmweyo, e ninga kubonga masoni ka Txizimu ngu ngathu.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Varoma 13:6

Ngu konaho mi humisako mikhupo, nguko vafumeli nzithumi sa Txizimu, si khutalako ka mthumo wuwa.

Varoma 12:13

Vhunetani vasawuleki ka si va si pwatako, mi txi amukela vapfhumba ngu manza mambidi.

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Isaya 64:5

Wa hingeta vale va tsakelako kumaha kululama, avale va ku alakanyako amu ka tinzila tako, wona taku, u hi henyete, nguko hi onhile;

Isaya 32:8

Aniko txisiwana txi maha makungo amanene, se ngu wunene txi simama txi di emile.

Isaya 32:5

Txiphukuphuku kha txi na mbi ngadi txi dhanwa taku nja lisima; hambi wa wutona kha na mbi dhanwa taku mbwo hana.

Ekleziyaste 11:6

Phaya mbewu yako i di ngadi mixo, se ni mitshikari, u nga khalahatshe ngu mawoko, nguko khu ti zivi to ku na mila yihi; mwendo ku na mila yiya, mwendo yile, mwendo kambe ti na mila ngu wumbidi wa tona.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Mavingu 22:9

Awule a ku ni mawonelo amanene a na katekiswa, nguko waha sisiwana dipawu dakwe.

Masalmo 112:9

Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

Masalmo 37:21

M'thu wa kubiha wa lomba, kambe kha diheli, aniko m'thu wo lulama ana ni wumbilu ni wuha.

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

Dhewuteronome 15:14

Mninge sifuyo sokari sa mtxhambi wako, ni silo sa ha dithalani kwako, ni sa mu dipipani kwako, u txi m'vhuna ngu sile, Mkoma, Txizimu txako, a nga kukatekisa ngu sona.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Mithumo 13:12

Sekoko nganakana, ngako yi di woni ti ti nga humelela, yi to kholwa, nguko gondo ya Mkoma yi ti mu xamalisile ngutu.

Mithumo 4:36

Sekoko Josefa, awu vapostoli va nga txi m'dhana ku i Bharnabhasi, ti ti wombako ku mwanana wu i ku Mthaveleli, Mulevhi wa kuvelekelwa Kipra,

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

1 Timoti 6:18

Va na mahe wunene, va nave vanyatithombe ngu mithumo, va nave ni wuha, ve ziva kuabana ni vamwani.