Varoma 12:6 - Bhiblia Yo Sawuleka

⁶ Ngu konaho, ngako hi ku ni sihiwa so hambana, madingano ni kateko yiya mmwani ni mmwani kwathu a nga ningwa yona, he si thumiseni; awu a ku ni txihiwa txo nuwela dipswi da Txizimu, a na nuwele ngu mpimo wa kukholwa kwakwe;

Varoma 12:6 Referans Kwoze

1 Vakorinto 7:7

Nguko ni ti navela ti to votshe vathu va txi fanana ni nani; aniko m'thu ni m'thu a amukete txi txi mu dinganako ngu ka Txizimu, mmwani ni mmwani, nga ti a nga ningiswa tona.

Varoma 12:3

Ngu mtamo wa kateko yi ni nga ningwa, na laya mmwani ni mmwani a ku hagari kwanu ti to asi thuki a txi ti alakanyela kupinda mpimo wa fanelo yakwe, aniko a nave ni mapimo a kutiveka hahatshi, madingano ni mpimo wa likholo li Txizimu txi nga avela ka mmwani ni mmwani hagari kwanu.

Varoma 1:11

Nguko na xuva ngutu ku mi wona, kufela ku miha txiningo txokari txa Moya, kasiku mi tsaniswa.

1 Vakorinto 13:2

Hambi idiku ni to ningwa wuprofeti, ni kuziva totshe ta kusisaleka, ni wotshe wutxhari, hambi idiku no va ni likholo la hombe, ahawa koza ni sikota kukhunula mimango, kambe ngako ni si nga ni lirando, kha ni nga txilo.

Vaefesu 4:11

Se ene ngene a nga ninga vamwani mthumo wa wupostoli, vamwani mthumo wa wuprofeti, vamwani mthumo wa wuvhangeli, vamwani mthumo wa wudyisi ni wugondisi,

1 Vakorinto 14:1

Khutalelani lirando, mi txi navela kumana sihiwa sa Moya, ngutu-ngutu txihiwa txa kuwomba dipswi.

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

1 Vatesalonika 5:20

Mi nga kanyiseni siprofeto.

1 Vakorinto 14:29

I di vaprofeti, va na womba-wombe vambidi mwendo vararu, se vamwani va na lamule.

Mithumo 15:32

Se Judha ni Silasi, ngako i ku vaprofeti ni vona, va to laya vanawe ngu mapswi o tala, ve va tsanisa.

Mithumo 2:17

‘Ngu masiku a magwito, kha Txizimu, ni na thela txitimwi ka votshe vathu, Moya wangu; vanana vanu va mazambi ni vamahorana va na profeta, vavaphya vanu va na wona siwoniso; ni sikosana sanu si na lora miloro.

Vafilipiya 3:15

Ngu konaho, athu hi ku vahetiseki he zumbeni hi txi alakanya toneto; se ngako mi di ni mialakanyo yimwani, Txizimu txi na mi tuletela txona.

Vaefesu 3:5

ka vathu va tixaka ta kale, mhakeyo kha ya ziviswa ka vanana va vathu, kufana ni nyamsi Txizimu txi nga yi tuletela ngu Moya wo Sawuleka ka vapostoli va txona vo sawuleka ni ka vaprofeti;

Mithumo 13:1

Ka Dibanza da Antiyokiya ku ti ti ni vaprofeti vokari ni vagondisi: I ti Bharnabhasi ni Simiyoni, awu a dhanwako ku i Nigere, ni Lukiyo wa Kirene, ni Manaheni, awu a nga kula kumweko ni mfumeli Herodha, ni Sawule.

Luka 11:49

Ngu konaho, wuzivi wa Txizimu wu wombile, wu txi kha wona: ‘Ni na va rumela vaprofeti ni vapostoli, va na daya vamwani kwawe, ve xanisa vamwani.’

Matewu 23:34

“Ngu konaho, na mi rumela vaprofeti, titxhari ni vabhali. Mi na daya vamwani kwawe mi va bethela ha txihambanoni, mi na kwapela vamwani masinagogani kwanu, mi na va xanisa va txi pepeseka ngu ka didhoropa ni didhoropa.

1 Vakorinto 14:24

Aniko kumaha ti votshe va txi womba dipswi, se konaho e wulela awu asi kholwiko, mwendo a si tiziviko, eyo wa konwa ngu votshe e lamulwa ngu votshe;

Mithumo 21:9

Ene a ti ni mune wa vanana va sihoranana, ava va nga ti profeta.

1 Vakorinto 3:5

Hi ngani ni gela: I mani Apolosi kani? I mani Paulo kani? Vona nzithumi dwe, asi mi nga amukeliswa ngu sona likholo, na ti txi tsimbila ngu hawa mmwani ni mmwani a nga ningiswa tona ngu Mkoma.

1 Vakorinto 12:18

Aniko, ati i ku tona, Txizimu txi vekile sihango ha mmidi, tximwani ni tximwani kota nga tiya txi nga ti randisa tona.

2 Pedro 1:20

Aniko, masoni ka totshe, zumbani mi txi tiziva ti to kuwalo dipswi da vaprofeti, adiya m'thu a sikotako ku di txhamusela ti txi khukhela ha msungo kwakwe.

Matewu 25:22

Ngu kulondeta, awule a nga ti amukete titalenta timbidi a ti khene: ‘Nyamne wangu, u ni ningile titalenta timbidi, se ndite timwani ta timbidi ni nga bhindula.’