Varoma 12:11 - Bhiblia Yo Sawuleka

¹¹ Khutalani, mi nga telweni ngu dikhodho; turani moyani, mi txi thumela Mkoma.

Varoma 12:11 Referans Kwoze

Mithumo 18:25

A ti gondisilwe nzila ya Mkoma, se ngu kukhutala kwakwe moyani a ti womba-womba ni kugondisa timhaka ta Jesu, ngu longoloko ya yinene, hambiko a nga ti ko ziva txibhabhatiso txa Johani dwe. Ngu konaho Apolosi a to khata kuwombawomba disinagogani, asi thavi txilo.

1 Pedro 4:8

Ngutu-ngutu, khatalelani kurandana, nguko lirando la fenengeta mtalo wa sionho.

Mavingu 13:4

Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.

Vahebheru 12:28

Ngako hi nga amukela mfumo wo mbi dekadeka, he ñolisiseni ta tinene kateko yiya. Ngu yona, a hi khozeleni Txizimu ngu nzila yi yi amukelekako, ngu kutiveka hahatshi, ni txithavo.

Vaefesu 4:28

Awu a nga ti hanya ngu kupa, a nge ngadi e pa, aniko a na ti thumele ngu manza akwe, e maha ti i ku ta tinene, kasiku e mana sa kuabana ni wu a ku si nga naso.

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Mithumo 20:19

Ni thumete Mkoma ngu kutiveka hahatshi ni kudila mirongo ni siduko si si nga ni humelela, si txi wuswa ngu mazunga a Vajudha.

Matewu 24:12

Se ngu mhaka ya kutala ka wubihi, lirando la wungi wa vathu li na hola.

Mavingu 10:26

Ku nga vhinagre amu ka makwasa, kufana ni wutshi amu ka maso, ngu toneto a ku ngu tona mkara ka vale va mrumako.

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

Mavingu 18:9

Nene wule a thumisako kuonhetela, mmweyo ni mxakeli.

Eksodha 5:17

Ti di ngeto, ene a to xamula a txi khene: Anu mi mikara ngutu; ngu mhaka ya toneto mi wombako mi txi khanu: Hi lava kutsula hi txi ya khozela Mkoma.

1 Timoti 5:13

Hahanze keto, vavasikati va va nga felwa i di ngadi vaphya, ngako va si thumi txilo, va gonda kurenzelekela ni miti, i si nga ngu mhaka ya wukara dwe, aniko kambe va ti ningetela mu ka siwombawomba sa kulenga vamwani, ve ti maha valanduli va timhaka ta wutomi wa vane, ve womba-womba ngu ti ti si faneliko kuwombwa.

Isaya 56:10

Votshe vawoneleli vakwe va mabhofu, kha va zivi txilo; votshe ndimbwa ta siduma, kha va sikoti kuwukula; mba wukohe, va zumba va di otete, kambe va randa kukhudhahela.

Mtuletelo 2:4

Kambe na kusola nguko u lekile lirando lako lo khata.

Vakolosa 4:1

Anu vanyamne, hanyani ni sithumi sanu ngu nzila yo lulama ni fanelo, na mi txi ziva ti to nanu mina ni Mkoma wanu a ku nzumani.

1 Vakorinto 7:22

Nguko awu a dhanwako ngu Mkoma i di txithumi, i mtxhatxheki wa Mkoma. Nene wu a dhanwako a di txhatxhekile, njithumi txa Kristu.

Matewu 25:26

Nyamne wakwe, a txi mu angula, a to khene: ‘Txithumi txa tshofu, txa mkara!’ U ti zivile ta ku ani na elula amuwa ni nga mbi phaya, ni sengeleta amuwa ni nga mbi xwaya.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Jakobe 5:16

Zivisanani sionho sanu, mi txi kombelelana, kufela ku mi txi hanyiswa. Mkombelo wa lisima wa mlulami wu ni mtamo ngutu.

Mavingu 31:15

A wuka i di ngadi wusiku, e dyisa mwaya wakwe, ni ku abanisela mithumo ka sithumi sakwe sa txisikati.