Varoma 11:7 - Bhiblia Yo Sawuleka

⁷ Se hi na txani kani? Atxi Israyeli a nga ti txi lava, kha txi mana, kambe ava va nga sawulwa va txi mani; kasi vamwani va bangisilwe timbilu.

Varoma 11:7 Referans Kwoze

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

Varoma 9:18

Ngu toneto, Txizimu txi mahela wumbilu awule txi ti lavako ku mmahela, txi bangisa mbilu ya wule txona txi ti lavako ku m'bangisa.

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Varoma 11:5

Ngu toneto, ni konkuwa yi ho mibotyana yi nga sawulwa ngu kuranda ka kateko.

Vaefesu 1:4

Ngu kota yakwe, Txizimu txi hi sawute, di sinzi kumahwa ditiko, kasi ku hi txi mana wululami wa lirando ni kuzumba hi si nga ni txisolo masoni ka txona.

2 Vakorinto 3:14

Aniko, mapimo awe ma to thelwa mphume. Hambi ni nyamsi, mbimo yi va gondako dibhuku da Txitumelelano txa kale, nguwoyo ya txitsivelo yi ngadi zumbile; yona yi thaviswa ngu Kristu dwe.

Varoma 9:23

Txizimu txi lavile kambe kukombisa kukula ka wudhumo wa txona ka vale txi nga va sawula ngu kale, ngu wumbilu wa txona, kasiku va na ya zumba kutsakani ka txona.

Vafilipiya 1:18

Ti vhuna txani kani? Ati i ku tona mwendo ti mahwa ngu mibango mwendo ti mahwa ngu mbilu ya yinene Kristu wa huwelelwa: Eto ngu ti ti ni tsakisako. Kambe ti ngadi ti txi na ni tsakisa,

1 Vakorinto 10:19

Ni na womba txani kwanu, kani? Ni na womba ti to nyama ya timhamba ta sizimu sa walo njimaha, kani? Lambi! Aniko, ani ni mi gela ti to timhamba ti ti mahwako ngu vamatiko, va ti mahela madhimoni, kha va ti maheli Txizimu.

Varoma 10:3

Nguko, ngu ku ambi ziva kululama ka Txizimu ni kulava ku ti emisela kululama kwawe vona ngu txawe, kha va ti veka hahatshi ka kululama ka Txizimu.

Varoma 6:15

Hi na txani kani? Ina hi na onha, akuwa hi ku si nga hahatshi ka mlayo, kambe hi ku hahatshi ka kateko kani?

Varoma 3:9

Se hi na txani kani? Ina athu Vajudha hi ngadi ni to pala vamwani kani? Lambi, ni kudotho! Nguko hi kombisile ngu kale ti to hambi i di Vajudha, hambi i di Vagriki, va hahatshi ka txionho;

Johani 12:40

“A phumisile maso awe e bangisa timbilu tawe, kasiku va si woni ngu maso, ni ku va si pimi ngu timbilu tawe, kufela ku va si hunduluki, nani ni si va hanyisi.”

Luka 13:24

Ene a mu xamute a txi khene: “Zamani ngu mtamo kuwulela ngu txike txo songa, nguko ani na mi gela ti to vavangi va na zama kuwulela, kambe kha va na mbi sikota.

Isaya 44:18

Kha va zivi txilo, hambi kupfisisa txilo; nguko va vhalekile maso, kasi ku va si woni, ni mbilu kasi ku va si pimi txilo.

Isaya 6:10

Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

Mavingu 1:28

Sekoko mi na ni dhana, aniko ani kha ni na mbi xamula; mi na ni lava ngu mabimbi-kutxa, aniko kha mi na mbi ni mana.

1 Pedro 1:2

i ku va va nga sawulwa madingano ni makungo a kale a Txizimu Tate, ve sawulekiswa ngu Moya, kasi kuve engisa Jesu Kristu ni kuamukelwa ngu mnoha wakwe: Kateko ni kuthutha si nave ni nanu ngu wungi wa sona.

Vahebheru 12:17

Ma tiziva kambe ti to mbimo yi a nga lava thomba ya kukatekiswa, a nyenyilwe nguko kha mana nzila yo hunduluka ngu yona, hambiko a nga ti kombela ngu kudila mirongo.

Marku 6:52

Nguko va sanzi ku ti pfisisa ta txixamaliso txa mapawu, timbilu tawe i ti to banga.

Vaefesu 4:18

Mialakanyo yawe yi mtemani, kha va nga ni txyavelo amu ka wutomi wa Txizimu, nguko kwawe kuwalo wuzivi, ni timbilu tawe ti bangi.