Varoma 11:2 - Bhiblia Yo Sawuleka

² Txizimu kha txa tshotsha vathu va txona, ava txi nga va ziva ngu kale. Mwendo mo va mi si ti zivi ati ti wombwako ngu Mibhalo, ti txi womba ngu Elija, mbimo yi a nga dila ka Txizimu, a txi mangalela va ka Israyeli, a txi khene:

Varoma 11:2 Referans Kwoze

Masalmo 94:14

Mkoma kha na mbi tshotsha vathu vakwe; ene kha na mbi tsukula avale i ku vathu vakwe.

1 Pedro 1:2

i ku va va nga sawulwa madingano ni makungo a kale a Txizimu Tate, ve sawulekiswa ngu Moya, kasi kuve engisa Jesu Kristu ni kuamukelwa ngu mnoha wakwe: Kateko ni kuthutha si nave ni nanu ngu wungi wa sona.

Varoma 9:23

Txizimu txi lavile kambe kukombisa kukula ka wudhumo wa txona ka vale txi nga va sawula ngu kale, ngu wumbilu wa txona, kasiku va na ya zumba kutsakani ka txona.

Mithumo 3:17

“Hambi keto, vanathu, na tiziva ti to mi mahile tiya ngu kusisalelwa, kufana ni vona vathangeli vanu.

Genesisi 44:15

Josefa a to wotisa, a txi khene: “Njitxani atxiya mi nga txi maha kani? Mi si ti zivi to m'thu wo nga ani wa tiziva kuhuta kani?”

Varoma 9:6

Hi nga ti to dipswi da Txizimu di to txhipa. Ahim-him. Nguko hi nga votshe va va humako ngu ka Israyeli i ku Vaisrayeli va ditshuri;

Mithumo 13:48

Va di engisile toneto, vamatiko va to tala ngu litsako, ve dhumisa dipswi da Mkoma. Ni votshe vale va nga ti ni fanelo ya wutomi wo mbi guma, va to amukela likholo.

Mithumo 7:40

va txi kha vona ka Aroni: “Hi mahele sizimu si si no hi thangelela masoni nguko Mosi wu a nga hi humisa ditikoni ka Egipta kha hi ti zivi ti ti nga mu humelela.”

Johani 4:11

Wamsikati a to khene: “Mkoma, khu nga ni txo reka ngu txona mati txisimani, kambe ni txona txisima txi hokomile, se u na ma mana hani mati a kuhanya kani?

Luka 4:1

Jesu, a di tate ngu Moya wo Sawuleka, a to khukha mnamboni ka Jordhani, a txi yiswa txiwulani ngu wona Moya wo Sawuleka, ahawa a nga ya zumba mune wa magumi a masiku,

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

Mitengo 16:15

Sekoko Mosi a to henya ngutu, e gela Mkoma ku khene: Ava vathu, u nga amukele miningelo yawe! Ani lambi kha na nga teka ni mbongola yimweyo kwawe; lambi ni kudyelela ni wammweyo wawe.

Eksodha 32:1

Se mbimo yile vathu va nga wona taku Mosi wa swela kurelela ngu mmangoni, vathu va to tshuketa ka Aroni, va txi m'gela tiya: “Khukha u txi hi mahela sizimu si si no thangela masoni kwathu; nguko ene Mosi wuwa, i ku wamwamna wu a nga hi humisa ditikoni ka Egipta, kha hi txi zivi atxi txi nga m'humelela.”

Vahebheru 1:1

Txizimu, ngu sikhati so tala ni mamahelo o tala, txi wombawombile kale ka vatate vathu, ngu sisofu sa vaprofeti,

Vafilipiya 1:22

Aniko, kota nga ti kuhanya kwangu ka nyama ku velekako mihando ya yinene, se kha ni tizivi ati ni fanelako kukhedha tona.

Mithumo 15:18

Awu a nga zivisa simaha siya kukhukhela ka timbimo ta kale.’ ”

1 Vakorinto 6:2

Ina kha mi tizivi ti to vasawuleki ngu vona va no lamula ditiko, kani? Se ngako ditiko di txi na lamulwa ngu nganu, ina kha mi nga ni fanelo yo lamula timhaka ta tidotho, kani?

Jeremiya 31:37

Mkoma a ti khene: Ku txi koteka kupimwa kudemba ka tinzuma, ni kutumbulwa kutshima ka sitshuwa sa mafu, nani ni na lamba yotshe mbewu ya ka Israyeli, ngu totshe ti va nga ti maha, kuwomba Mkoma.

Marku 12:26

Ngako i di vafi ni kuwuka kwawe ina kha ma gonda dibhukuni ka Mosi, ngu tiya Txizimu txi nga womba nayo txipoponi txi txi kha txona: ‘Ngani Txizimu txa Abrahamu, Txizimu txa Isaake, Txizimu txa Jakobe?’

Varoma 6:16

Ina kha mi tizivi ti to ngako mi txi ti maha tikhumbi ta wokari kasi ku mu engisa, mi tikhumbi ta ene wu mi mu engisako, mwendo tikhumbi ta txionho txi txi yisako kufani, mwendo tikhumbi ta kuengisa kuwa ku yisako kululamani kani?

1 Vakorinto 8:3

Aniko, ngako m'thu a txi randa Txizimu, eyo wa ziwa ngu txona.