Varoma 11:11 - Bhiblia Yo Sawuleka

¹¹ Se na wotisa: Ina va ka Israyeli va nga va va di humbetwe kuwa ka magwito kani? Aniko ngu mhaka ya kuwa kwawe, vamatiko va mani kuhanyiswa kasi kuvhuka txiluse txa va ka Israyeli.

Varoma 11:11 Referans Kwoze

Varoma 11:31

Ngu toneto, ni vona konkuwa kha va engisi Txizimu ngu mhaka ya wumbilu wu mi nga mahelwa, kasiku ni vona konkuwa ve mana kudivalelwa.

Varoma 11:12

Se ngako kuwa kwawe ku di hindukile ku txi maha thomba ya ditiko, ni kutandeka kwawe ku di hindukile ku txi maha thomba ya vamatiko, ina kuwuya ka va ka Israyeli, ngu wungi wawe, ku na mbi wuyisa thomba yo pindisa ngutu kani?

Varoma 10:19

Se na engeta ni txi wotisa: Ina Israyeli a nga va a sa tiziva kani? Ku thangile Mosi a txi khene: “Ni na mi wusela txiluse ngu ditiko di i ku si nga da txilo; ni na mi henyisa ngu ditiko di di ku si nga ni kupimisa.”

Varoma 11:14

kufela ku mwendo vathu va lixaka la ka kwathu va na navela, kasi ni txi sikota kuhanyisa vamwani vokari hagari kwawe.

Mithumo 18:6

Kambe ngako a txi wona kukaneta kwawe, ni kuruka kwawe, Paulo a to zuza tinguwo takwe, a txi khene kwawe: “Mnoha wanu wu nave txitimwi ka misungo yanu. I di ani ni basile: Kukhukhela konkuwa ni na tsula ka vamatiko.”

Ezekhiyele 18:23

Ina ani ni ndi na tsaka ngu kufa ka wo biha kani? Kuwomba Mkoma Txizimu; kha ni tsakeli ku e hunduluka ka tinzila takwe e hanya kani?

Varoma 11:1

Se na wotisa: Ina Txizimu txi nga va txi di tshotshile vathu va txona kani? Lambi! Nguko nani ni Muisrayeli, wa lixaka la ka Abrahamu, ka lihunzu la ka Bhenjamini.

Ezekhiyele 18:32

Nguko kha ni tsakeli kufa ka wule afako, kuwomba Mkoma Txizimu; hundulukani koko, kambe hanya.

Mithumo 13:42

Ngako Paulo ni Bharnabhasi va txi huma ngu disinagogani, vathu va to kombela ti to ka Sabbata yi yi tako ve va gondisa kambe timhaketo.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Luka 20:16

A nata, a ta dayela vadimi vale e ningela thembwe ya mivhinya ka vamwani.” Ngako vona va txi pfa tiya, va to kha vona: “Ti nga thuke ti maheka timhaketo.”