Varoma 10:5 - Bhiblia Yo Sawuleka

⁵ Nguko Mosi a bhate ti to m'thu wu a mahako kululama ku i ku ka Mlayo, a na hanya ngu kona.

Varoma 10:5 Referans Kwoze

Levhi 18:5

Mi fanete kuxayisa milayo yangu ni mithetho yangu, nguko yona ya tsanisa wutomi, ka wule a yi londetako! Ani ngani Mkoma!

Nehemiya 9:29

Se u va laya ti to ve tshumelela ka mlayo wako; aniko vona va to ti kulisa, va si engisi sirumo sako, ve onhela wululamo wako, awu ngako m'thu a txi wu londisa a na hanya.

Ezekhiyele 20:21

Aniko vanana va ni wukete, kha va tsimbila ngu sileleto sangu, kambe kha va xayisa milayo yangu, saku m'thu a txi si londeta, a na hanya ngu sona; vona va nyetisete Masabbata angu; ngu mhaka ya eto ni nga khani ni na theketa txiviti txangu txitimwi kwawe, kasi kukombisa kuhenya kwangu amu txiwulani.

Ezekhiyele 20:13

Aniko nyumba ya ka Israyeli yi ni wukete txiwulani, va si tsimbili ngu sileleto sangu, kambe va lekile milayo yangu, taku ngako m'thu a txi si londeta, a nga hanya ngu sona; kambe va nyetisete ngutu Masabbata angu; se ani ni va gete ku khani ni na theketa txiviti txangu txitimwi kwawe, amu txiwulani, kasi ku va heta.

Ezekhiyele 20:11

Ni va ningile sileleto sangu, ni ku va komba milayo yangu, ngako m'thu a txi si londeta, a na hanya ngu sona.

Vagalatiya 3:12

Ngu konaho Mlayo ni likholo kha si tsimbili ngu nzila yimweyo; nguko Mlayo wu womba tiya: “M'thu a hanya ngu kuvekisa sileleto sa Mlayo.”

Varoma 7:10

se ani nifa: Ku txi maneka ti to mthetho wu wu nga vekelwa kuhanyisa, wu ni vangete kufa.

Dhewuteronome 4:1

Konkuwa koko awe Israyeli, engisa milayo ni sileleto si ani nyamsi ni mi godisako, kasi ku mi si vekisa, mi mana kuhanya, mi txi wulela, mi fuma ditiko di Mkoma, Txizimu txa vatate vanu, a no mi ninga.

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Vafilipiya 3:9

se ni maneka ni di kwakwe, na i si nga ngu mhaka ya kululama kwangu, kutako ngu ka mlayo, aniko ngu mhaka ya kululama ku kuhumako ngu ka likholo ka Kristu; kululama kuwa kutako ngu ka Txizimu akuwa ku tsaniswako ngu likholo.