Varoma 10:3 - Bhiblia Yo Sawuleka

³ Nguko, ngu ku ambi ziva kululama ka Txizimu ni kulava ku ti emisela kululama kwawe vona ngu txawe, kha va ti veka hahatshi ka kululama ka Txizimu.

Varoma 10:3 Referans Kwoze

Vafilipiya 3:9

se ni maneka ni di kwakwe, na i si nga ngu mhaka ya kululama kwangu, kutako ngu ka mlayo, aniko ngu mhaka ya kululama ku kuhumako ngu ka likholo ka Kristu; kululama kuwa kutako ngu ka Txizimu akuwa ku tsaniswako ngu likholo.

Luka 16:15

Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Varoma 5:19

Ngu toneto, kambe, nga kuwa txieyiso txa m'thu mmweyo txi nga nyeta votshe vathu, kufana ni toneto, ngu kuengisisa ka m'thu wammweyo vavangi va na mahwa valulami.

Varoma 1:17

Nguko kululama ka Txizimu ku wonekelisilwe ka yona, kuhuma amu ka likholo, ku txi yisa likholoni, madingano ni ti ti nga bhalwa taku: “Awu a nga mahwa mlulami ngu likholo, a na hanya.”

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

Isaya 57:12

Ani ni na pfalisa kululama kwako ni mithumo yako, aniko kha va na mbi kulondola.

Isaya 51:8

Nguko sumba yi na va sakata nga syambalo, kambe va na dyiwa ngu timbungu kufana ni matoya; aniko kululama kwangu ku na zumba kala kupinduka, ni kuhanyisa kwangu ka liveleko ni liveleko.

Luka 10:29

Aniko ene, ngu kulava ku ti maha wamnene, a to womba tiya ka Jesu: “Ngu mani muakelani wangu kani?”

Isaya 56:1

Mkoma a womba tiya: “Xayisani wulamulo, mi maha kululama, nguko kuhanyisa kwangu ku hafuhi ni kuta, ni kululama kwangu ku na ti wonekiswa.”

Nehemiya 9:33

Aniko, ka totshe ti ti hi humelelako, awe u lulamile; nguko awe u mahile ta tinene, se athu hi maha kubiha.

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

Masalmo 71:19

Kuthembeka kwako, Txizimu, nga hombe ngutu kufana ni nzuma; u mahile simaha sa hombe. I mani a fananako ni nawe kani?

Jobe 33:27

A na wona vathu, a txi khene: Ni onhile, ni ndakile mlayo, aniko kha ta ni vhuna txilo.

Levhi 26:41

nani ni tsimbilete kule navo, kambe ni va mahile ve wulela ka ditko da valala vawe; sekoko ngako timbilu tawe ta wukhutu ti txi hunduluka, va txi tumela ngu wunene txitsayiso ngu wubihi wawe,

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

Varoma 3:26

txi mana kukombisa wunene wa txona ka mbimo ya konkuwa; kasiku txi va Txizimu txi txi nga lulama ni kuninga wululami ka wu a kholwako ka Jesu.

Sidilo 3:22

Wumbilu wa Mkoma, ngu wona wu mahako ti to hi si fuviswi; nguko wumbilu wakwe kha wu na magwito.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Isaya 51:6

Guletani maso mi wona nzumani, mi wona ni mafu hahatshi, nguko nzuma yi na mwalala nga wutshi, ni mafu ma na sakala nga txyambalo, ni va va zumabako ka ona va na fisa ku nga titshuna; aniko kuhanyisa kwangu ku na zumba kala kupinduka, ni kululama kwangu kha ku na mbi funywa.

Dhewuteronome 6:25

Ti nava i di kululama kwathu, ngako hi txi khatala ngu kuvekisa sotshe sirumo siya, masoni ka Mkoma, Txizimu txathu, nga ti a nga hi leleta.”

Isaya 51:1

Ni engiseni anu mi londetako wululamo, anu mi lavako Mkoma; wonani ka dirigwi di mi nga huma ka dona, ni ka phako ya txisima txi mi nga humiswa ka txona.

Varoma 10:2

Nguko nava fakazela ka ti to va na ni kukhutala ka Txizimu, kambe kukhutala kwawe hi nga ka wuzivi.

Varoma 10:20

Ni Isaya wa tsana a txi womba ku khene: “Ni manwi ngu va va nga mbi ni lava; ni ti kombisile ka vale va nga ti si wotiseli ngu ngani.”

Varoma 11:7

Se hi na txani kani? Atxi Israyeli a nga ti txi lava, kha txi mana, kambe ava va nga sawulwa va txi mani; kasi vamwani va bangisilwe timbilu.