Varoma 10:16 - Bhiblia Yo Sawuleka

¹⁶ Aniko hi nga votshe va va nga amukela Evhangeli. Ngu toneto, Isaya a wombile a txi khene: “Mkoma, i mani a nga kholwa ka ti hi nga txhumayela kani?”

Varoma 10:16 Referans Kwoze

Isaya 53:1

I mani a nga kholwa ka txhumayelo yathu kani? Niku diwoko da Mkoma di wonekisilwe ka mani kani?

Varoma 3:3

Se hi na khathu txani, ngako vamwani kwawe va sa thembeka kani? Ina kuthembeka ka Txizimu ku nga fuviswa ngu ku ambi thembeka kwawe kani?

Vahebheru 4:2

Nguko, nanathu, hi engisile Evhangeli nga vona; aniko, dipswi di va ngadi engisa kha da va vhuna txilo, nguko kha va namarela ngu likholo avale va ngadi engisa.

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Vagalatiya 5:7

Mi ti tutuma kwati; se i mani a nga mi tsivela, kasiku mi si engisi ditshuri kani?

1 Pedro 2:8

Dirigwi diya di na va humba ni ku va wisa, va na humbwa ngu dona, nguko kha va kholwa ka Evhangeli, i ku ti va nga sikeliswa tona.

Vahebheru 11:8

Ngu likholo, vakale va mani nduma ya yinene. Ngu likholo, Abrahamu, ngako a di dhanwi ngu Txizimu, a engisile a txi khukha e tsula ka ditiko di a nga ti fanela ku di amukela, di txi maha thomba yakwe, a tsute asi zivi ti to a ya hayi.

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Varoma 6:17

Txi na bongwe Txizimu, nguko hambiko mi nga ti tikhumbi ta txionho, kambe mi sikotile kutiningetela ngu yotshe mbilu yanu ka gondo yiya mi nga wuletwa ka yona.

Varoma 2:8

kambe ava va kanetako, ava va lambako ditshuri, ve londetela wusoholoki, va na welwa ngu phango ni txiviti.

1 Pedro 3:1

Nananu vavasikati vo tekwa, ti vekeni hahatshi ka vamna vanu, kasiku, ngako vamwani vavamna va si engisi dipswi, ve mana kudhanwa ngu mtamo wa mahanyelo a vasikati vawe, i si nga ngu dona dipswi,

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Vagalatiya 3:1

Oh! Vagalatiya, maphuphulunu, i mani a nga mi xenga, anu vava Jesu Kristu a nga txhumayelwa masoni kwanu, nga mi to mu wona a txi gogotelwa ha txihambanoni, kani?

Varoma 16:26

aniko se wu nga sala kuwonekeliswa ngu Mibhalo ya Vaprofeti, nga tiya mlayo wa Txizimu txo mbi na magwito, wu nga lavisa tona, mlayo wu wu nga rurutelwa ka yotshe mifumo, kasiku yona yi txi londetela kukholwa.

Varoma 11:17

Se ngako madhavi okari ma di phatutwe, se awe u ku didhavi da muolivhera wa txitinga u nga ta txhomekwa ha wukhaloni ka ona, u va u sengela nawo kudyiswa ngu ndome ya mkoloti wa muolivha wa m'tini,

Varoma 1:5

Ngu ngene hi amukete kateko ni fanelo ya wupostoli, kasiku votshe vathu va matiko ve yiswa kuengisani ka kukholwa, ve dhumisa ditina dakwe;

Mithumo 28:24

Aniko vamwani kha va tumela.

Johani 10:26

Kambe anu kha mi tumeli, nguko kha mi nga tinvuta tangu.

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Matewu 13:14

Ti na tatiseka atiya ti nga wombwa ngu mprofeti Isaya, a nga khene: ‘Mi na engisa walo ngu tinzeve, aniko kha mi na mbi ti mana; mi na wona ngu maso, aniko kha mi na mbi ti wonisisa.’