Varoma 10:10 - Bhiblia Yo Sawuleka

¹⁰ Nguko m'thu a kholwa ngu mbilu kasiku e mana wululami, kambe a fakaza ngu txisofu, kasiku e mana kuhanyiswa.

Varoma 10:10 Referans Kwoze

1 Johani 4:15

Awu a fakazako ti to Jesu Mwanana wa Txizimu, Txizimu txi zumba kwakwe, se nene a zumba ka Txizimu.

Varoma 10:9

i ku tiya: Ngako u txi fakaza ngu txisofu txako ka Mkoma Jesu, u tumela kambe mbiluni kwako ti to Txizimu txi m'wusile ngu ka va kufa, u na hanyiswa.

Vagalatiya 2:16

Ha tiziva ti to m'thu kha sikoti kumana wululami ngu mhaka ya mithumo ya Mlayo, aniko a mana wululami ngu mtamo wa likholo dwe ka Jesu Kristu; nanathu hi khotwe ka Jesu Kristu, kasiku hi mana wululami ngu likholo ka Kristu, i si nga ngu mithumo ya Mlayo; nguko ni wammweyo kha na mbi mana wululami ngu mhaka ya mithumo ya Mlayo.

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Luka 8:15

Ati ti nga wela ha mafuni ka kunene, ngu va va nga engisa Dipswi ngu mbilu ya yinene ni yo lulama, ve di xayisa, ve veleka mihando ngu kutimisela.”

Vahebheru 3:12

Wonani, vanathu, ti to ku si thuki ku txi va ni wammweyo hagari kwanu, wa mbilu yo biha, ni ya ku ambi kholwa, yi txi mi hambanisa ni Txizimu txi txi hanyako.

Vafilipiya 3:9

se ni maneka ni di kwakwe, na i si nga ngu mhaka ya kululama kwangu, kutako ngu ka mlayo, aniko ngu mhaka ya kululama ku kuhumako ngu ka likholo ka Kristu; kululama kuwa kutako ngu ka Txizimu akuwa ku tsaniswako ngu likholo.

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

Marku 9:23

Jesu a ti khene kwakwe: “Ngako u txi sikota! Totshe ta koteka ka wu a kholwako.”

Varoma 10:11

Nguko Mibhalo yi womba tiya: “Wuhi ni wuhi a kholwako kwakwe, kha na mbi wiswa tingana.”

Mithumo 8:37

Se Filipi a to khene: “Ngako u txi kholwa ngu yotshe mbilu yako, u nga tumelelwa.” Se a to xamula a txi khene: “Na kholwa ti to Jesu Kristu i Mwanana wa Txizimu.”