Varoma 1:8 - Bhiblia Yo Sawuleka

⁸ Kukhata na bonga Txizimu txangu ngu Jesu Kristu, nguko kukholwa kwanu ka sumwa ngu vathu va dotshe ditiko.

Varoma 1:8 Referans Kwoze

Varoma 16:19

Kuengisa kwanu ka ziwa ngu votshe vathu, se ani na tsaka ngu nganu. Aniko ni randa ku mi va mi di vo txhariha ka ti i ku ta tinene, mi si txhariheli kumaha to biha.

1 Vakorinto 1:4

Kha ni gwiti kubonga Txizimu txangu ngu mhaka yanu, ngu mhaka ya makateko a txona, mi nga ningwa ngu ka Jesu Kristu;

Varoma 6:17

Txi na bongwe Txizimu, nguko hambiko mi nga ti tikhumbi ta txionho, kambe mi sikotile kutiningetela ngu yotshe mbilu yanu ka gondo yiya mi nga wuletwa ka yona.

1 Pedro 4:11

Awu a wombawombako, a na womba-wombe ngu kulondisa dipswi da Txizimu. Awu a thumako a na thume madingano ni txyavelo txi a nga hiwa ngu Txizimu, kasiku, Txizimu txi pfaliswa ka sotshe somaha, ngu Jesu Kristu, i ku ene a lumbwako ngu kupfaliswa, ni mtamo, ngu ha ku si gwitiko. Amen!

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Vahebheru 13:15

Ngu ngene ahi ningeleni yotshe mbimo mhamba yo dhumisa Txizimu, ti ti wombako m'hando wa txisofu txi txi fakazako ditina dakwe.

Vakolosa 1:3

Hi bonga Txizimu, Tate wa Mkoma wathu Jesu Kristu, ka mikombelo yi hi yi mahako ngu nganu yotshe mbimo,

Vafilipiya 1:3

Na bonga ka Txizimu txangu ka txikhati txihi ni txihi ni mi alakanyako.

Vaefesu 1:15

Ngu toneto, nani, txima ni pfa mhaka ya kukholwa kwanu ka Mkoma Jesu ni lirando lanu ka vasawuleki votshe,

Vafilipiya 1:11

mi txi pfunelwa ngu mihando yo lulama, yi tako ngu ka Jesu Kristu, kasiku Txizimu txi pfaliswa ni kudhumiswa.

Vaefesu 5:20

yotshe mbimo mi bonga Txizimu txathu, i ku tate ngu sotshe si txi nga maha, ngu ditina da Mkoma wathu Jesu Kristu.

Matewu 24:14

Evhangeli yiya ya Mfumo yi na huwelelwa ka dotshe ditiko, kasi kumahwa wufakazi ka yotshe mifumo. Se msana keto, ngu kona ku no va i di magwito.”

Vaefesu 3:21

txi na dhumiswe amu Dibanzani ni ka Jesu Kristu, ka liveleko ni liveleko, kala kupinduka. Amen.

Mithumo 11:28

Mmweyo wawe, awu va ku i Agabho, a to khukha a txi ema, e profeta ngu Moya ti to nzala ya hombe yi na vaho ka dotshe ditiko. Kha ditshuri yi humelete kufumani ka Klawudhiyo.

Luka 2:1

Ka ale masiku, kuhumile mthetho wa Khezari Awugustu, wa bhalela ya dotshe ditiko.

Mithumo 28:22

Se hi lava kupfa ngu ngawe ati u pimisako tona, nguko i di gondo yiya, ha tiziva ti to ya lambwa ngu votshe vathu.”

Varoma 10:18

Se na wotisa: Ina kha va tiengisa kani? Kha ditshuri va ti engisile, nguko ti bhatwe taku: “Kutxhumayela kwawe ku pfate ka dotshe ditiko, ni mapswi awe ma hokile magemeta-mitshi ka mafu.”

2 Vakorinto 2:14

Txi na bongwe Txizimu, atxi, ngu Kristu, txi hi guletako yotshe mbimo, kudhumiswani ka txona; atxi kambe ngu ngathu txi lavako kuhangalasa ka otshe makhalo kubhumula ka wuzivi wa txona.

Vaefesu 1:16

kha ni leki kubonga ngu kota yanu, na ni txi mi alakanya mikombeloni kwangu.

1 Vatesalonika 1:2

Ha ninga kubonga yotshe mbimo ka Txizimu ngu kota yanu motshenu, na hi txi mi alakanya, mikombeloni kwathu.

1 Vatesalonika 2:13

Ngu toneto, nanathu ha bonga yotshe mbimo ka Txizimu, nguko msana ka kuva mi di amukete dipswi da Txizimu, adi hi nga txhumayela, mi di amukete kota nga dipswi da Txizimu mpela, i si nga ku di fananisa ni dipswi da kuhuma ka m'thu. Atiya ngu tona ti ti mi ningako mtamo anu mi kholwako.

2 Vatesalonika 1:3

Hi fanete kubonga Txizimu yotshe mbimo ngu mhaka yanu, vanathu, nguko eto ti lulamile, nguko likholo lanu la kula ngutu, ni kurandana ka engeteleka mndani ka mmweyo ni mmweyo wanu motshe.

2 Timoti 1:3

Na bonga ka Txizimu, atxi ni txi thumelako ngu livhalo lo basa kufana ni tiya va nga mahisa tona vatate vangu, na ni si leki ku kualakanya mikombeloni kwangu, wusiku ni mitshikari.

Filimoni 1:4

Yotshe mbimo na bonga ka Txizimu txangu, na ni txi kualakanya mikombeloni kwangu.