Varoma 1:5 - Bhiblia Yo Sawuleka

⁵ Ngu ngene hi amukete kateko ni fanelo ya wupostoli, kasiku votshe vathu va matiko ve yiswa kuengisani ka kukholwa, ve dhumisa ditina dakwe;

Varoma 1:5 Referans Kwoze

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Varoma 16:26

aniko se wu nga sala kuwonekeliswa ngu Mibhalo ya Vaprofeti, nga tiya mlayo wa Txizimu txo mbi na magwito, wu nga lavisa tona, mlayo wu wu nga rurutelwa ka yotshe mifumo, kasiku yona yi txi londetela kukholwa.

Mithumo 6:7

Ti di ngeto, Dipswi da Txizimu di to khata kuanda, se mtengo wa vagondiswa wu to engeteleka ngu kutsakisa ditikoni ka Jerusalema; se dibutho do tala da vaphaxeli ve kholwa.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Varoma 12:3

Ngu mtamo wa kateko yi ni nga ningwa, na laya mmwani ni mmwani a ku hagari kwanu ti to asi thuki a txi ti alakanyela kupinda mpimo wa fanelo yakwe, aniko a nave ni mapimo a kutiveka hahatshi, madingano ni mpimo wa likholo li Txizimu txi nga avela ka mmwani ni mmwani hagari kwanu.

Mithumo 1:25

kasiku e teka wukhalo wa Judha, mthumoni ka wupostoli, awu a nga wu leka e tsula mu kulumbako ene.”

1 Vakorinto 9:2

Hambi ni si nga mpostoli ka vamwani vathu, kambe kwanu ni mpostoli, nguko anu mi txixambanyo txa wupostoli wangu ngu ka Mkoma.

Varoma 3:29

Ina Txizimu nja Vajudha vokha kani? Hi nga txa vamatiko ni vona kani? Im, njawe ni vona vamatiko;

Johani 1:16

Kha ditshuri, ngu kutalelwani kwakwe, hotshethu hi amukete kateko ni kateko.

Vaefesu 1:12

kasi ku hi txi kulisa wudhumo wa txona, ni kupfaliswa ka txona athu hi nga txi verela Kristu ngu kale.

Vaefesu 1:6

kasi ku hi txi pfalisa Txizimu ngu wudhumo wa tikateko ta txona, hi nga ningwa ngu Mwanana wa txona wo randeka.

Mithumo 15:14

Simoni a hi xawutete ati Txizimu, kukhukhela makhatoni, txi nga sawulisa tona, hagari ka vamatiko, vathu vava va fanelako kudhumisa ditina da txona.

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.