Varoma 1:3 - Bhiblia Yo Sawuleka

³ yi wombawombako ngu Mwanana wa txona, a nga velekwa lixakani ka Dhavhidha ngu ka nyama;

Varoma 1:3 Referans Kwoze

Matewu 1:1

Dibhuku da liveleko la Jesu Kristu, Mwanana wa Dhavhidha, Mwanana wa Abrahamu.

Vagalatiya 4:4

Mbimo yi txi nga hoka txikhati txa kona, Txizimu txi rumete Mwanana wa txona, a nga velekwa ngu wamsikati, a nga tumela kufumwa ngu Mlayo,

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Amosi 9:11

Ka ditshiku dile, ni na tshumela ni guleta ditenda da Dhavhidha, di nga wa, ni vhaletela amule ku nga vharuka, ni tshumela ni wusa marumbi, ni ma aketa kufana ni masiku a kale;

Johani 1:49

Nathaniyele a to xamula a txi khene kwakwe: “M'gondisi, awe u Mwanana wa Txizimu, u Mkoma wa Israyeli.”

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Masalmo 2:7

Ni na huwelela txileleto txa Mkoma. Ene a ni gete, a txi khene: “Awe u mwanana wangu; nyamsi ni ku velekile.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

1 Vatesalonika 1:10

mi txi verela Mwanana wa txona, wa kuta ngu nzumani, a nga wuka ngu ka vo fa, Jesu wu a nga hi hulukisa ha kuhenyelwani ka timbimo ti titako.

Varoma 9:5

avava i ku lixaka la vakokwani vathu, avava hambi Kristu a nga velekelwa kwawe ngu ka wuthu, ene a ku txitimwi ka sotshe somaha, i ku Txizimu txi txi dhumiswako yotshe mbimo. Amen.

Johani 20:28

Se Tomasi a to khene: “Mkoma wangu ni Txizimu txangu!”

Johani 10:30

Ani ni Tate hi mmweyo.”

Matewu 1:16

Jakobe a to veleka Josefa, mwamna wa Mariya, awu a nga veleka Jesu, a dhanwako ku i Kristu.

Jeremiya 33:26

ni na leka liveleko la Jakobe ni la Dhavhidha txithumi txangu, ti taku ni si dhuki ni teka hagari ka vanana vakwe awu a no fumela liveleko la Abrahama, Isaake ni Jakobe, nguko ni na wuyisa va vo ñolwa vawe ni txi va hawukela.

2 Timoti 2:8

Alakanya Jesu Kristu, a nga wuka ka vakufa, ene wa lixaka la Dhavhidha, madingano ni Evhangeli yi ni yi txhumayelako,

1 Vakorinto 1:9

Txizimu txi thembekile, txi mi dhanete ku ta tshangana ni Mwanana wa txona Jesu Kristu, Mkoma wathu.

Mithumo 2:30

Kambe aku i nga ti mprofeti, a ti tiziva ti to Txizimu txi mu thembisile ngu kuxambanya, ku a na fumisa ha txikhaloni kwakwe ka wukoma, mmweyo wa lixaka lakwe.

Johani 20:31

Kambe timhaka tiya ti nga bhalwa, ti bhaletwe ku mi txi kholwa ti to Jesu ngene Kristu Mwanana wa Txizimu, ni tito, ngu kukholwa kuwa, mi na mana kuhanyiswa ngu ditina dakwe.

Johani 10:36

Ka wule a nga sawulekiswa e rumwa ngu Txizimu ha ditikoni, anu mi khanu: ‘Awe wa ruka!’ Nguko ni nga khani: ‘Ni Mwanana wa Txizimu’, kani?

Johani 5:25

Ngu ditshuri, ngu ditshuri, na mi gela ku khani: Yata mbimo, kambe yi hokile konkuwa, ayi vafi va no engisa dipswi da Mwanana wa Txizimu, se ava va no di engisa va na hanya.

Luka 1:69

A hi wusete Muhanyisi wa mtamo ka nyumba ya Dhavhidha, txithumi txakwe.

Matewu 27:43

A thembile Txizimu, inna ko, txi na mu hulukise konakuwa, ngako txi txi m'dhunda, nguko a ti khene: “Ani ni Mwanana wa Txizimu!”

Matewu 26:63

Aniko Jesu a to simama e malala. Se mphaxeli wa hombe a to mu gela a txi khene: “Na ku xambanyisa ngu Txizimu txi txi hanyako ti to u hi gela mwendo ngawe Mesiya, Mwanana wa Txizimu kani?”

Matewu 15:22

Se mmweyo wamsikati, wa mu Kanana, a nga ti tile ngu Kanana, a to kwangula a txi khene: “Mkoma Mwana Dhavhidha, ni pfele wusiwana. Mwanana wangu wa txihoranana wa xupheka ngutu ngu madhimoni.”

Matewu 12:23

Dibutho dotshe di to xamala di txi kha dona: “Ina awu hi nga ene Mwanana wa Dhavhidha kani?”

Matewu 9:27

Ngako Jesu a di khukhile konaho, mabhofu mambidi ma to mlondisa, ma txi kwangula ma txi khene: “Mwanana wa Dhavhidha, hi pfele wusiwana!”

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Matewu 1:6

Jese a to veleka mfumeli Dhavhidha, Dhavhidha ni msikati wa Uriya va to veleka Solomoni,

Mtuletelo 2:18

Ka ngelozi ya Dibanza da Tiyatira, bhala u txi khawe: “A womba tiya Mwanana wa Txizimu, awu maso akwe ma fanako ni dituro da mndilo, ni mikondo yakwe yi fanako ni msuku.

2 Johani 1:7

Nguko va hangalakile ni ditiko vaxengeteli vavangi, ava va si fakaziko ti to Jesu Kristu a tile ngu didhawa da nyama. M'thu wo ngeto, ngene mxengeteli ni mkaneti wa Kristu.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

1 Johani 5:5

I mani a xulako ditiko hahanze ka wule a kholwako ti to Jesu Mwana wa Txizimu kani?

1 Johani 5:1

Wuhi ni wuhi a kholwako ti to Jesu i Mesiya, a velekilwe ngu Txizimu; se awule a randako m'veleki, wa m'randa kambe awule a nga velekwa ngu ngene.

1 Johani 4:15

Awu a fakazako ti to Jesu Mwanana wa Txizimu, Txizimu txi zumba kwakwe, se nene a zumba ka Txizimu.

1 Johani 3:23

Txirumo txa Txizimu ngu txiya: Kukholwa ka ditina da Mwanana wa txona Jesu Kristu, ni kurandana nga ti a nga hi rumisa tona.

1 Johani 3:8

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.

1 Johani 1:3

ati hi nga ti wona ni ku tiengisa, ngu toneto hi mi zivisako tona nanu, kasi ku nanu mi maha vamwevo ni nathu. Se wumwewo wathu wu hi tshanganisa ni Tate ni Mwanana wakwe Jesu Kristu.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Varoma 1:9

Nguko Txizimu txi, ni txi khozelako moyani kwangu ngu kutxhumayela Evhangeli ya Mwanana wa txona, ngu txona i ku fakazi yangu ka ti to kha ni leki ku mi alakanya;

Mithumo 9:20

Se Sawule kunukunuko, a to khata kugondisa ta Jesu masinagogani, e huwelela ti to ngene Mwanana wa Txizimu.

Mithumo 8:36

Se mbimo yile va nga txi tsimbila, va to hoka aha ku nga ti ni mati, se wule wa mthenwa, a to kha yona: “Hi nga wona, mati ndiya; ni nga tsivelwa ngu txani kubhabhatiswa kani?”

Mithumo 3:13

“Txizimu txa Abrahamu ni txa Isaake ni txa Jakobe, Txizimu txa vatate vathu txi dhumisile txithumi txa txona Jesu, awu anu mi nga mningela, mi nga mlamba kambe masoni ka Pilato, kasi ene a ti ti lamute ti to a na thukunyulwe.

Johani 7:42

Ina Mibhalo kha yi wombi ti to Mesiya a na huma ka lixaka la Dhavhidha, a txi velekelwa Bhetlehema, didhoropa di Dhavhidha, a nga tumbuluka ka dona, kani?”

Johani 1:34

Ni ti woni ngu maso angu, se na fakaza ti to Ene i Mwanana wa Txizimu.”

Varoma 4:1

Hi na khathu txani ngu Abrahamu, kokwani wathu ngu ka nyama kani?

Varoma 9:3

Nguko ani wutumbu ni ndi na tumela kuruketelwa ni kuhambaniswa ni Kristu, idiku eto ti ti vhuna va lixaka la ka kwathu, ava i ku vamwevo ni nani ngu kuvelekwa;

1 Vakorinto 10:18

Hi ngani alakanya va ka Israyeli. Ava va dyako timhamba, ina kha va mani txyavelo txa txiluvelo, kani?

1 Timoti 2:5

Nguko Txizimu njimwetxo dwe txi kuho, se ni m'thu mmweyo a kuho hagari ka Txizimu ni ka vathu, ku Jesu Kristu m'thu mnene,