Varoma 1:25 - Bhiblia Yo Sawuleka

²⁵ Vonavo va to phindula ditshuri da Txizimu ve di maha makuhu, ve khozela ni kuthumela siwumbwa, ve leka Muwumbi, awu a fanelako kubongwa ngu malembe ni malembe. Amen.

Varoma 1:25 Referans Kwoze

Habhakuki 2:18

Ngu txihi txivhuno txa txithombe txo vatwa txi nga vatwa ngu m'vati wa txona kani? Se txithombe txo wumbwa txi gondisako makuhu, a txi themba ngu txani muwumbi wa txona, na kuve njifananiso txa txizimu txa txiduma kani?

Jeremiya 13:25

Atxiya ngu txona txiningo txako, atxi ni ku dinganako, kuwomba Mkoma; nguko u ni divate, u themba makuhu.

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Amosi 2:4

Mkoma a womba tiya: Ngu kuhambunyeta kuraru ka Judha ni ka wumune, kha ni na mbi thavisa txitsayiso, nguko va lambile Mlayo wa Mkoma, kambe kha va xayisa sileleto sangu, va ti lekile kukhata, ve xengwa ngu makuhu awe, aawa va nga tsimbila ngu ka wona vatate vawe.

2 Vakorinto 11:31

Txizimu ni Tate wa Mkoma Jesu Kristu, txi dhumisekako kala kupinduka, txa tiziva ti to kha ni wombi makuhu:

Varoma 9:5

avava i ku lixaka la vakokwani vathu, avava hambi Kristu a nga velekelwa kwawe ngu ka wuthu, ene a ku txitimwi ka sotshe somaha, i ku Txizimu txi txi dhumiswako yotshe mbimo. Amen.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

Varoma 1:23

Se va phindute wudhumo wa Txizimu txi, txi si fiko, ve wu maha wa sithombe sa m'thu wu a fako, ni wa sinyana, ni wa sihari sa mune wa minenge, ni wa so tsimbila ngu dibindi.

2 Timoti 3:4

vaningeli va vakwawe, vathu vo mbina txithavo, vo ti guleta, ava va randako ngutu so tsakisa nyama kupinda kuranda Txizimu.

Varoma 1:18

Nguko kuhenya ka Txizimu ka ti kombisa ku txi ta ngu nzumani, ku ta peka wubihi ni kugombonyeka ka vathu va va tshingelelako ditshuri ngu kona kwa mbi lulama kwawe;

Matewu 6:24

“Ku walo m'thu wu a sikotako kuthumela vakoma vambidi, nguko mwendo a na vengela mmweyo e dhunda mmwani, mwendo a na namarela ka mmweyo e kanyisa mmwani. Kha mi na kusikota kuthumela Txizimu ni thomba ya mafu.”

1 Vatesalonika 1:9

Nguko, ngu vona vapune va xawutelako ati mi nga hi amukelisa tona, ni ti mi nga hindukisa tona, mi txi leka sithombe, mi txi namarela ka Txizimu, kufela ku mi txi thumela Txizimu txi txi hanyako, na i di txa ditshuri;

1 Timoti 1:17

Kwakwe Mkoma wa totshe timbimo, Txizimu txo mbi na kufa, txo mbi wonwa ngu maso, ka txona Txizimu txa tximwetxo dwe, kudhumiswa ni kupfaliswa si nave ka txona ngu malembe ni malembe. Amen.

1 Timoti 1:11

yi engisanako ni Evhangeli yi yi nga vekwa manzani kwangu, ayi yi pfalisako Txizimu, i ku txisima txa makatekwa.

Matewu 10:37

“Awule a randako ngutu tate mwendo mame wakwe kupinda ani, kha ni faneli. Awule a dhundako ngutu mwanana wakwe wa mfana mwendo wa dihorana kupinda ani, kha ni faneli.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Vaefesu 3:21

txi na dhumiswe amu Dibanzani ni ka Jesu Kristu, ka liveleko ni liveleko, kala kupinduka. Amen.

Masalmo 72:19

Di na dhumiswe yotshe mbimo ditina da txona da wudhumo ni dotshe ditiko di na tale ngu wudhumo wa txona! Amen! Amen!

Johani 2:8

Msana keto, a ti khene kwawe: “Konkuwa, rekani mi txi ya ninga mthangeli wa m'buso.” Se vona ve ma yisa kwakwe.