Varoma 1:19 - Bhiblia Yo Sawuleka

¹⁹ nguko ati ti kotekako kuziwa ta Txizimu ti wonekisilwe kwawe ha kubasani: Txizimu txipune txi va kombisile tona.

Varoma 1:19 Referans Kwoze

Varoma 1:20

Nguko asi sa Txizimu si si wonwiko ngu maso, i ku mtamo wa txona wo mbi na magwito ni wuzimu wa txona, eso sa ti wonekisa amu ka mithumo ya txona, kukhukhela kuvangwani ka ditiko; ngu konaho kha va na nzila yodanga ngu yona.

Isaya 40:26

Gulani maso mi wona txitimwi, mi wona taku i mani a nga vanga sona siya. I mani a nga ti vangela so talisa tiya, i mani asi dhanako sotshe ngu matina a sona; ngu mhaka ya wuhombe wa mtamo wakwe, ni kutsana ka mtamo wakwe, kha ku na mbi pwateka ni txa tximwetxo.

Johani 1:9

Dipswi i ti liwoningo la ditshuri, aliya li woningako votshe vathu, li txi ta ha mafuni.

Isaya 40:21

Ina kha mi tizivi kani? Ina kha mi ti pfi kani? Mwendo kha ma ziviswa mhaka yiya makhatoni kani? Hambi kupima makhato a mafu kani?

Varoma 2:14

Ngako vamatiko va va ku si nga ni mlayo, va txi londetela ngu mahanyelo awe ati ti kombelwako ngu mlayo, vona ngu wutumbu ngu vona i ku mlayo wa kona, hambiko va ku si nga ni mlayo.