Varoma 1:16 - Bhiblia Yo Sawuleka

¹⁶ Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

Varoma 1:16 Referans Kwoze

Marku 8:38

Nguko awu a ku ni tingana ngu ngani ni mapswi angu masoni ka liveleko liya lo mbi thembeka masoni ka Txizimu ni la vaonhi, nene Mwanana wa M'thu a na va ni tingana ngu ngene, ditshiku di a no wuya ni wudhumo wa Tate wakwe, ni tingelozi to sawuleka.”

2 Timoti 1:8

Ngu toneto, u nga telwe ngu tingana kufakazela Mkoma Wathu, hambi kufakazela ani ni ku txibotxhwa ngu kota yakwe, aniko sengela ni nani kuxanisekani kwangu ngu mhaka ya Evhangeli, u txi tsaniswa ngu mtamo wa Txizimu,

1 Pedro 4:16

Aniko, ngako a txi xaniswa ngu mhaka ya kuva i di dikholwa, a nga telwe ngu tingana, aniko a na pfalise Txizimu ngu mhaka ya ditina donedo.

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

Luka 9:26

Nguko ni wuhi a telwako ngu tingana ngu ngani, ni timhaka tangu, Mwanana wa M'thu a na telwa ngu tingana ngu ngene, mbimo yi a no wuya, wudhumoni kwakwe ni ka Tate, ni ka tingelozi to sawuleka.

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

1 Vakorinto 2:4

Dipswi dangu ni kutxhumayela kwangu i ti si nga sa kukomba wuzivi wa ha mafuni, aniko i ti mapswi a kutsaniswa ngu Moya ni mtamo wa Txizimu;

1 Vakorinto 2:2

Ni pimisile ti to kha txi nga ho tximwani ni txi zivako hagari kwanu, hahanze ka Jesu Kristu, awu a nga gogotelwa ha txihambanoni.

Varoma 10:17

Kha ditshuri, kukholwa kuta ngu kuengisa ti ti txhumayelwako, kutxhumayela ngu kuzivisa dipswi da Kristu.

Vahebheru 4:12

Dipswi da Txizimu da hanya, di ni mtamo. Da hinda kupinda ditxhari do lotwa ka otshe madhawa, dona da milela mndani, kala kuya abanisa mmidi ni moya, kala kuya thola matshanganoni ka marambu ni mndani ka wuluvi, di ya tumbula mialakanyo ni makungo a mbilu.

1 Vakorinto 15:2

ayi yi no mi hanyisa, ngako mi txi yi veketisa tiya ni nga mi txhumayelisa tona. Hahanze keto, kukholwa kwanu ku nga va i di ka mahala.

Jeremiya 23:29

Ina mhaka yangu kha yi fani ni mndilo kani? Kuwomba Mkoma! Kha yi fani ni hamela yi bhandako marigwi kani?

Vagalatiya 1:7

Kha yi nga ho yimwani Evhangeli. Atxi txi kuho ngu vale va vhinganyiselako mapimo anu, va zamako kusoholota Evhangeli ya Kristu.

Varoma 2:9

Dikhombo ni kuxaniseka si na va txitimwi ka m'thu wuhi ni wuhi a mahako to biha; ka Mujudha kukhata ni ka Mugriki nene.

Mithumo 3:26

Txizimu txi khatile ngu nganu ku mi wuyisela Txithumi txa txona Jesu, txi m'rumela ku ta mi katekisa, kasiku mi hunduluka, mmwani ni mmwani kubihani kwakwe.”

Masalmo 119:46

Ni na nuwela milayo yako ka vafumeli kuwalo ni wammweyo a no ni wisa tingana.

1 Vatesalonika 2:13

Ngu toneto, nanathu ha bonga yotshe mbimo ka Txizimu, nguko msana ka kuva mi di amukete dipswi da Txizimu, adi hi nga txhumayela, mi di amukete kota nga dipswi da Txizimu mpela, i si nga ku di fananisa ni dipswi da kuhuma ka m'thu. Atiya ngu tona ti ti mi ningako mtamo anu mi kholwako.

Isaya 53:1

I mani a nga kholwa ka txhumayelo yathu kani? Niku diwoko da Mkoma di wonekisilwe ka mani kani?

1 Timoti 1:11

yi engisanako ni Evhangeli yi yi nga vekwa manzani kwangu, ayi yi pfalisako Txizimu, i ku txisima txa makatekwa.

2 Vakorinto 9:13

Ngako va txi wona mthumo wuwa wu kombisako wunene wanu, vona va na dhumisa Txizimu ngu mhaka ya kuengisa kwanu ka timhaka ta Evhangeli ya Kristu. Kambe vona va na dhumisa Txizimu ngu msengo wa wunene awu anu mi va vhunako ngu wona, i si nga vona vokha, aniko ni votshe vathu.

2 Vakorinto 2:12

Ngako ni di hokile didhoropani ka Trowadhe kasiku ni txi ya txhumayela kona Evhangeli ya Kristu, ni woni ti to Mkoma a ni tulete nzila ya kuthuma mthumo wakwe konaho.

1 Vakorinto 9:18

Se kasi nji txani ni holako txona kani? Ni dihelwa ngu kuva ni txhumayela Evhangeli ni si kombeli txilo, ni leka kuamukela asi ni ningwako ngu yona Evhangeli.

1 Vakorinto 9:12

Ngako vamwani va thathelako asi si ku kwanu, ina athu kha hi fanekelwi ka kupindisa kani? Aniko athu kha hi nzi ku yi thumisa faneloyo. Kambe hi zumba hi txi timisela ka totshe, ngu mhaka ya Evhangeli ya Kristu.

Varoma 15:29

Kambe na tiziva tito, ni txi ta kheyo kwanu, ni nata ni di ni makatekwa otshe a Kristu.

Varoma 15:19

ngu mtamo wa sikombiso ni sidiwukiso, ni mtamo wa Moya. Ngu toneto, ni txhumayete Evhangeli ya Kristu ka otshe madhawa, kukhukhela Jerusalema kala kuya hoka Iliriya;

2 Timoti 1:16

Mkoma a na telwe ngu wumbilu ka mwaya wa Onesiforo, nguko sikhati so tala a ni rulisite mbilu, kha telwa ngu tingana ngu mhaka ya tingomondo tangu,

Varoma 4:11

Nguko txikombiso txa wukwera a ningilwe kasiku txi maha txixambanyo txa wululami wu a nga amukela ngu kukholwa na a sinzi kuyiswa wukwerani; ngu toneto ene a mahile tate wa va va kholwako, hambi i di makhutu, kasiku ni vona ve mana wululami.

Masalmo 110:2

Mkoma a na rumela ngu Siyoni ndonga yako ya mfumo; fuma txitimwi ka valala vako!

Johani 7:35

Ngu kota yeto, Vajudha va to khata kuwotisana, va txi kha vona: “O lava kuya hani, aku hi no tandeka ku mmana kani? O lava kuya ka va va nga hangalaka hagari ka Vagriki. O lava kuya gondisa Vagriki kani?