Varoma 1:13 - Bhiblia Yo Sawuleka

¹³ Se vanathu, kha ni dhundi ku mi leka mi si ti zivi ti to sikhati sasingi ni akile makungo a ku mi endela kasi ku ta hapha mihando yokari hagari kwanu, nga ti ni nga ti maha ka mamwani matiko, aniko ni to khameka kala nyamsi.

Varoma 1:13 Referans Kwoze

Mithumo 19:21

Na ti di mahekile tiya, Paulo a to kurumetwa ngu moya kuya Jerusalema, e pinda ngu Makedhoniya ni Akaya, a txi khene: “Msana ka kuva ni di zumbile niya, khene, ta laveka kambe ti to ni ya wona Roma.”

Vafilipiya 4:17

Hi nga ti to no vilela kuhiwa, aniko ni vilela ni m'hando wu wu no mi ninga dibhindu.

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

1 Vatesalonika 4:13

Kha hi ti lavi ku mi sisela timhaka ta vale va nga otela wukohe wa lifo, ti to mi si zumbi mi txi xaniseka, nga vale va ku si nga ni txithembo.

1 Vatesalonika 2:18

Ngu toneto, hi lavile kuta kheyo kwanu, ngutu-ngutu ani Paulo ni duketile ta tinene i si nga txikhati tximwetxo, aniko Sathani, a hi tsivete.

2 Vakorinto 1:8

Vanathu, kha hi ti lavi ku mi sisela kuxaniseka ku ku nga hi mana hi di Asiya. Koneyo, hi xanisilwe, ngu mpimo wa hombe ngutu kupinda mtamo wathu, ahawa hi nga ti si thembi ti to hi nga hanya.

1 Vakorinto 12:1

Ka mhaka ya sihiwa sa Moya, vanathu, kha ni ti lavi ku mi sisela.

1 Vakorinto 10:1

Vanathu, kha ni ti lavi ku mi sisela ati ta ku votshe vatate vathu va ve hahatshi ka direfu ni ti ta ku votshe va tshawunyetile linene.

Vakolosa 1:6

ayi yi nga hoka kwanu, ayi yi vekako mihando ka dotshe ditiko, ayi yi kulako nga ti yi mahisako tona hagari kwanu, txima mi txi engisa, ni ku engisisa ngu ditshuri da kona, kateko ya Txizimu.

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Johani 4:36

Awule a elulako wa amukela hakhelo, e sengeleta mihando ya wutomi wo mbi guma. Se ti di mahile eto, awu a phayako wa tsaka kumweko ni wu a elulako.

2 Vatesalonika 2:7

Nguko, mitamo ya wubihi ayi yi nga sisala, ya thuma ni konkuwa, aniko yi thuma dwe kala e thaviswa awule a yi tsivelako.

2 Vakorinto 2:14

Txi na bongwe Txizimu, atxi, ngu Kristu, txi hi guletako yotshe mbimo, kudhumiswani ka txona; atxi kambe ngu ngathu txi lavako kuhangalasa ka otshe makhalo kubhumula ka wuzivi wa txona.

1 Vakorinto 9:2

Hambi ni si nga mpostoli ka vamwani vathu, kambe kwanu ni mpostoli, nguko anu mi txixambanyo txa wupostoli wangu ngu ka Mkoma.

Mithumo 21:19

Msana ka kulosa, a to khata kutxhatxhameta masoni kwawe, yimweyo ngu yimweyo, totshe ti Txizimu txi nga ti maha ngu ngene hagari ka vamatiko.

Mithumo 15:12

Sekoko konaho, msengeletano wotshe wu to malala; vathu va txi engisa Bharnabhasi ni Paulo, ngako va txi xawutela sixamaliso ni sidiwukiso si Txizimu txi nga si maha ngu vona hagari ka vamatiko.

Mithumo 14:27

Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Johani 12:24

Ngu ditshuri, ngu ditshuri, na mi gela: Ngako nyengi ya fulaho, yi yi wako mafuni, yi si fi, yi na zumba yokha. Aniko, ngako yi txi fa, yi ninga mihando yayingi.

Isaya 27:6

Ma nata masiku ale Jakobe a no mila mitwi, se Israyeli a na veka siluva e mila, kambe va na tata mafu ngu mihando.

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Mithumo 28:14

Ngako hi di mani konaho vanathu, vona va to hi kombela ti to hi zumba navo mtxhanu wa masiku ni mambidi. Ngu toneto, hi nga pindisa txona hi txi ya Roma.

Varoma 1:12

Kasi ngu tito, ngako ni di hafuhi ni nanu, hi na thavelelana ngu likholo li hi ku nalo, anu ni nani.

Varoma 7:1

Kha mi tizivi kani, vanathu ni womba-womba ni va va zivako mlayo ti to mlayo wu fuma m'thu ka yotshe mbimo yi a ku ngadi a txi hanya kani?

1 Vakorinto 1:10

Kambe na mi khongotela, vanathu, ngu ditina da Mkoma Wathu Jesu Kristu, ti to motshenu mi fanete kuva ni kupfana kuwomba-wombani kwanu, ni ti to mi zumba mi si nga ni mibhando hagari kwanu; mi fanete kupfanana ngu moya ni mialakanyo ya mbilu.

1 Vakorinto 14:20

Vanathu, mi nga ti maheni vanana mapimoni kwanu. Ka tile to biha, eho ti maheni vanana, kambe amu ka mapimo ti maheni madhota.

1 Vakorinto 14:26

Ti di ngeto, ku nga mahwa to txani kani, vanathu kani? Mbimo yi mi sengeletanako, mmwani ni mmwani kwanu a nga sikota kuthula ndando, mmwani a nga sikota kuwomba dipswi do gondisa, mwendo dipswi di a nga kombiswa ngu Txizimu, mwendo kuwomba mapswi okari ngu lidimi lo hambana, mwendo txiningo txo txhamusela ti ti wombwako ngu timwani tidimi; kambe totshe tiya ti na mahelwe kufela kuaka msengeletano.

Vagalatiya 3:15

Vanathu, ni na mi dinganisela ngu txiheno txa kuhanya ka m'thu: Ngako txitumelelano txokari txi di mahilwe ngu tifanelo txi tsana, awalo wu a sikotako ku txi fuvisa, hambi kuengetela timwani txitimwi ka txona.

Vagalatiya 6:18

Makatekwa a Mkoma Wathu Jesu Kristu ma nave ni nanu, vanathu. Amen.

Vafilipiya 1:22

Aniko, kota nga ti kuhanya kwangu ka nyama ku velekako mihando ya yinene, se kha ni tizivi ati ni fanelako kukhedha tona.

Vakolosa 1:10

ti to mi txi tsimbila ngu tifanelo ti ti lavekako masoni ka Mkoma, mi txi mtsakisa ka totshe timhaka, mi txi veka mihando ngu kuthuma mithumo ya yinene, mi txi kula amu ka kuziva Txizimu,