Varoma 1:11 - Bhiblia Yo Sawuleka

¹¹ Nguko na xuva ngutu ku mi wona, kufela ku miha txiningo txokari txa Moya, kasiku mi tsaniswa.

Varoma 1:11 Referans Kwoze

2 Pedro 1:12

Ngu konaho, otshe masiku ni navela kuzumba ni txi mi alakanyisa timhaka tiya, hambiko mi ti zivako, ni kuwa mi nga tsaniswa ka dona ditshuri diya mi ku nado.

Varoma 16:25

Ka wule a ku ni mtamo wa ku mi tsanisa ka Evhangeli yangu, madingano ni kutxhumayela ka Jesu Kristu ni kuwonekeliswa ka msisalo wu wu nga ti tumbetilwe kukhukhela ka mbimo ya kale ni kale,

2 Vatesalonika 3:3

Aniko, Mkoma mbwo thembeka: Ene a na mi ninga kutsana, a na mi vhikela ka m'bihi.

Varoma 15:29

Kambe na tiziva tito, ni txi ta kheyo kwanu, ni nata ni di ni makatekwa otshe a Kristu.

1 Pedro 5:12

Ni mi bhalela ngu kukomisa, ngu txyanza txa Silivhano, awu, ngu mawonelo angu, i ku mwanathu wo thembeka, kasi ku ni txi mi laya, ni tsanisa masoni kwanu ti to ayiya ngu yona kateko ya ditshuri ya Txizimu, ayi mi nga tsana ka yona.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

2 Vatesalonika 2:17

vona va na mi tsakise timbilu tanu, ni ku mi tsanisa ka totshe ta tinene ti mi ti mahako, ni ka totshe ta tinene ti mi ti wombako.

Mithumo 19:6

Se mbimo yi Paulo a nga va sanzeka manza, Moya wo Sawuleka wu to txhika txitimwi kwawe, se vona ve khata kuwombawomba tidimi ni kuprofeta.

Mithumo 16:5

Ngu konaho, mabanza ma ti tsaniswa amu ka likholo, me anda ditshiku ni ditshiku.

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

1 Vatesalonika 3:13

Mkoma a na tsanise timbilu tanu amu ka wusawuleki wo mbina dikhwiti masoni ka Txizimu, Tate wathu, ngu mbimo ya kuta ka Mkoma wathu Jesu, kumweko ni votshe vasawuleki vakwe.

1 Vatesalonika 3:2

Hi rumela Timoti mwanathu ni txithumi txa Txizimu, txa kuthumela Evhangeli ya Kristu, kasiku a txi ta mi tsanisa ni ku mi ninga mtamo amu ka likholo lanu.

Vafilipiya 4:1

Ngu kota yeto, vanathu vo randeka ngutu ni kunaveleka, anu mi ku litsako ni m'bhoti wangu, zumbani mi di tsani ka Mkoma, wo randeka ngutu.

Vafilipiya 2:26

Ene wa vilela ku mi wona motshe, kambe wa karateka ngu ku mi nga engisa ti to a ti lwala.

Vafilipiya 1:8

Txizimu i fakazi yangu ka ti to ani na xuva ku mi wona motshe, ngu lirando la Jesu Kristu.

2 Vakorinto 9:14

Nguko mi khongelela, vona va na komba lirando la hombe kwanu, ngu mhaka ya kateko ya kuxamalisa mi nga ningwa ngu Txizimu.

2 Vakorinto 1:21

Ngu txona Txizimu txi hi tsanisako athu ni nanu ka Kristu, txi txi hi sawulekisa ngu ku hi tota mafura.

Varoma 15:32

Se ngako Txizimu txi txi ti lava, ni nata humula ni di kumweko ni nanu.

Varoma 15:23

Kambe konkuwa, kha ni nga ngadi ni mthumo ka matiko awa; se akuwa i ku malembe o tala ni txi navela ku mi endela,

Mithumo 19:21

Na ti di mahekile tiya, Paulo a to kurumetwa ngu moya kuya Jerusalema, e pinda ngu Makedhoniya ni Akaya, a txi khene: “Msana ka kuva ni di zumbile niya, khene, ta laveka kambe ti to ni ya wona Roma.”

2 Samuwele 13:39

Sekoko mfumeli Dhavhidha a ti ti xuva Abhisalome, nguko mbilu yakwe yi ti ti tshorete ka mhaka ya kufa ka Aminoni.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

2 Vakorinto 11:4

Nguko, ngako a txi ta m'thu kwanu, a txi ta womba-womba ngu Jesu, wo hambana ni wu hi nga mi txhumayela athu, mwendo Moya wo hambana ni wu mi nga wu amukela, mwendo Evhangeli yo hambana ni yi mi nga yi amukela, anu ma mu amukela ngu nzila yo xamalisa.

2 Samuwele 23:15

Se Dhavhidha a to va ni kunavela, a txi khene: Nga ku na mana wo ni ninga mati a txisima txa Bhetlehema txi ku hafuhi ni txike, ni sela!

Genesisi 31:30

“Konkuwa, wa tsula, nguko i kale u txi xuva kutsula m'tini ka tate wako: Kambe ngu kutxani u txi pa sizimu sangu, kani?”

Varoma 1:12

Kasi ngu tito, ngako ni di hafuhi ni nanu, hi na thavelelana ngu likholo li hi ku nalo, anu ni nani.

2 Vakorinto 1:15

Ngu mhaka ya kuthemba kuwa, ni lavile kuthanga ngu nganu ni txi mi tela, kasiku mi ta amukela kateko ka wumbidi.