Valamuli 9:7 - Bhiblia Yo Sawuleka

⁷ Va to yisa mhaka ka Jothamu, se ene a to kwela txitimwi ka mmango wa Gerizimi, aha a nga va gela ngu dipswi da hombe, a txi khene: “Vathu va lisima va Sikemi, ni engiseni, kasi ku Txizimu txi txi mi engisa!

Valamuli 9:7 Referans Kwoze

Dhewuteronome 11:29

Se ku na maheka tito, mbimo yi Mkoma, Txizimu txako, a no ku wuleta ka ditiko di uyako ka dona kuya di teka, u na ya huwelela txikatekiso txitimwi ka mmango wa Gerizimi, se txiruko u na ya txi huwelela txitimwi ka mmango wa Ebhali.

Johani 4:20

Vatate vathu va ti ti khozela ka mmango wuwa, se awe u khawe Jerusalema ngu kona va fanelako kuya khozela kona.”

Dhewuteronome 27:12

Mbimo yi mi no txhatuka mnambo wa Jordhani, ava va no ema mmangoni ka Garizime, kasi kukatekisa vathu, gu vava: Simiyoni, ni Levhi, ni Judha, ni Isakari ni Josefa, ni Bhenjamini.

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

Mavingu 28:9

Awule a vayilelisako tinzeve takwe mu ka kuengisa milayo, hambi mkombelo wakwe wu nave txinyenyeko.

Mavingu 21:13

Awule a tsivako nzeve yakwe ka huwa ya txisiwana, nene a na dila kambe kha na mbi engiswa.

Joxuwa 8:33

Se votshe va ka Israyeli, ni madhota awe, ni vathangeli vawe, ni valamuli vawe, va ti ti ka madhawa mambidi a dibhokiso, masoni ka vaphaxeli va Valevhi, va nga ti ti rwala dibhokiso da txitumelelano txa Mkoma, valuveli ni sizikwa, hafu yawe yi ti ti masoni ka mmango wa Gerizimi, se yimwani hafu yi ti ti masoni ka mmango wa Ebhali, nga ti Mosi, txithumi txa Mkoma, a nga leletisa tona, kukatekisa vathu va ka Israyeli kukhatani.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Dhewuteronome 11:30

Ina mimango yiya kha yi maneki mtxhatuko ka Jordhani, ngu msana ka nzila ya mswa-ditambo, ditikoni ka Vakanana, avale va nga aka kona Arabhe, masoni ka Giligali, hafuhi ni mikusu ya More kani?

Valamuli 9:6

Sekoko votshe vavamna va i ku sivelekwa sa Sikemi, ni yotshe nyumba ya ka Bheti-Milo, va to sengeletana ve simeka Abhimeleki, e maha mfumeli wawe, hafuhi ka mkusu wu wu ku Sikemi.

Valamuli 9:8

Mindonga ka ditshiku dokari, yi to ti simekela mfumeli, yi txo kha yona ka muolivha: Fuma txitimwi kwathu!

Genesisi 37:6

Ene a va gete, a txi khene: “Engisani timhaka ta mloro wu ni nga va nawo: