Valamuli 9:6 - Bhiblia Yo Sawuleka

⁶ Sekoko votshe vavamna va i ku sivelekwa sa Sikemi, ni yotshe nyumba ya ka Bheti-Milo, va to sengeletana ve simeka Abhimeleki, e maha mfumeli wawe, hafuhi ka mkusu wu wu ku Sikemi.

Valamuli 9:6 Referans Kwoze

2 Samuwele 5:9

Ngu kumaha keto, Dhavhidha a to zumba mkhokholani, e wu dhana ku Didhoropa da Dhavhidha; a to aka madhawani, kukhukhela Milo kala mndani ka dona.

2 Vafumeli 12:20

Se sithumi sa Jowasi si to khukha si txi m'wukela, va to m'dya nyumbani ka Milo, ka nzila yi yi ngirimelako yi txiya Sila.

1 Vafumeli 12:25

Se Jerobhowamu a to aka Sikemi, ka mmango wa Efrayime, e zumba konaho, a to khukha nguho eya aka Penuweli.

1 Vafumeli 12:20

Se ku to maheka ati to, va di ti pfite votshe vathu taku Jerobhowamu a wuyile, va to rumela dipswi do m'dhana e ta ka msengeletano, ve ta mfumisa txitimwi ka dotshe ditiko da Israyeli; kha ngaho wu a nga londisa mahanyelo a nyumba ya Dhavhidha, hahanze ka lihunzu la ka Judha.

1 Vafumeli 12:1

Se Robhowamu a to tsula Sikemi, nguko votshe va ka Israyeli va tile Sikemi, ku ta mmaha mfumeli.

Joxuwa 24:26

Joxuwa a bhate mapswiyo amu ka dibhuku da mlayo wa Txizimu. Ngu msana a to teka dirigwi da hombe e di emisa konaho, hahatshi ka mkusu, wu nga ti hafuhi ka nyumba yo sawuleka ya Mkoma.

Valamuli 9:5

Kambe a to tsula nyumbani ka tate wakwe, kona Ofira, eya daya vanawe, vanana va Jerubhahali, mtxhanu wa magumi ni mambidi txitimwi ka dirigwi dimwedo. Se Jothamu mwanana wa tshole wa Jerubhahali, a to huluka nguko a ti sisate.

Valamuli 9:7

Va to yisa mhaka ka Jothamu, se ene a to kwela txitimwi ka mmango wa Gerizimi, aha a nga va gela ngu dipswi da hombe, a txi khene: “Vathu va lisima va Sikemi, ni engiseni, kasi ku Txizimu txi txi mi engisa!