Valamuli 9:56 - Bhiblia Yo Sawuleka

⁵⁶ Ngu tona eto Txizimu txi nga tshumetelisa tona ka Abhimeleki, wubihi wu a ngawu maha ka tate wakwe, ngu kudaya vanawe va mtxhanu wa magumi ni magumi mambidi.

Valamuli 9:56 Referans Kwoze

Masalmo 94:23

A na maha ti to vabihi ve loviswa ngu sionho sawe, a na va fuvisa ngu konaho ka wubihi wawe. Mkoma, Txizimu txathu, a na va fuvisa!

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Valamuli 9:24

atiya ti humelete kasi ku txi photelwa wugevenga wule wu nga mahwa, wo daya mtxhanu wa magumi ni magumi mambidi a vanana va Jerubhahali, ni ti to mnoha wawe wu txi wa txitimwi ka Abhimeleki mwanawe, awule a nga va daya, kumweko ni vavamna va Sikemi, avale va nga mkujetela kudaya vanawe.

Vagalatiya 6:7

Mi nga ti xengeni. Txizimu kha txi sakanelwi. M'thu ni m'thu a na elula asi a phayako.

Mithumo 28:4

Mbimo yi vathu va ditiko dile va nga wona txikalani txile txi di lengalenga diwokoni ka Paulo, va to gelana, va txi kha vona: “Ngu ditshuri mamowa njigevenga: I ngadi kwakwe kuhuluka lineneni, kambe Nzuma kha yi ti lavi e hanya.”

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Masalmo 11:6

Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.

Masalmo 9:12

Ene a alakanyela ava va xuphekako a txi va xayisa kha divali huwa ya va va xaniswako.

Jobe 31:3

Ina hi nga kutimela ka m'bihi, ni phango ka vale va mahako to biha kani?

Genesisi 9:5

Ngu ditshuri ni na lava mnoha wanu, ngako mnoha wa m'thu wu txi theketwa, ni na maha ti to wu dihwa. Hambi i di txihari txi wu theketako, mwendo i m'thu a wu theketako, ni na wu dihisa.

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Valamuli 9:55

Mbimo yi vavamna va ka Israyeli va nga wona ti to Abhimeleki a fite, mmwani ni mmwani a to tshumela a txiya m'tini kwakwe.

Valamuli 9:57

Txizimu txi to tshumetela kambe wubihi wotshe txitimwi ka misungo ya vavamna va Sikemi; ni txiruko txa Jothamu, mwana Jorobhahali, txi to wela txitimwi kwawe.