Valamuli 9:54 - Bhiblia Yo Sawuleka

⁵⁴ Sekoko, kunukunuko a dhana dijaha dile di nga ti ti ñola matxhari akwe, a txi di gela tiya: Teka ditxhari dako u ni hetisa ngu dona, kasi ku ku si wombwi tito: A datwe ngu wamsikati. Se dijaha dile dakwe, di to swomola ditxhari, di txi m'hetisa ngu dona, a txi fa.

Valamuli 9:54 Referans Kwoze

Valamuli 9:55

Mbimo yi vavamna va ka Israyeli va nga wona ti to Abhimeleki a fite, mmwani ni mmwani a to tshumela a txiya m'tini kwakwe.

1 Samuwele 14:7

Sekoko mrwali wa matxhari akwe a to m'gela ku khene: Maha totshe ti ti ku mbiluni kwako; tsimbila kotshe madingano ni mbilu yako, ani ni ni nawe.

1 Samuwele 14:12

Se vavamna vale vawoneleli va to xamula ka Jonatani ni ka mrwali wa matxhari akwe, va txi kha vona: Kwelelani mi ta kwathu! Aniko athu hi nata mi gondisa. Se Jonatani a to khene ka mrwali wa matxhari akwe: Kwelela u ni londeta ngu msana, nguko Mkoma a va ningete manzani ka Israyeli.

1 Samuwele 14:13

Sekoko Jonatani a to kwelela ngu mikondo yakwe ni manza akwe, kambe mrwali wa matxhari akwe e mu londisa ngu msana; se va to wa masoni ka Jonatani, se mrwali wakwe wa matxhari e va daya ngu msana kwakwe.

1 Samuwele 14:14

Se kumaheka kuxula kuwa ko khata, Jonatani ni mrwali wa matxhari akwe va date vavamna va magumi mambidi, ka wukhalonyana wu dingana hafu ya txikwele txa thembwe, txo txi nga dimwa ngu tihomu timbidi.

1 Samuwele 14:17

Sekoko Sawule a to khene ka vathu vale a nga ti navo: Balani vathu hi na wona to, i mani a nga khukha hagari kwathu. Se va to bala, se ve wona to hambi Jonatani ni mrwali wa matxhari akwe va ti si ngaho.

1 Samuwele 16:21

Kambe Dhavhidha a to ta ka Sawule, e ta ema masoni ka Sawule, se ene a to mtsakela ngutu; se a to maha mrwali wa matxhari akwe.

1 Samuwele 31:6

Ngu kumaha keto, Sawule a to fa ni vanana vakwe va vararu, ni mrwali wa matxhari akwe, ni votshe vathu vakwe va to fa kumweko nayo ka dona ditshiku dile.

2 Samuwele 1:10

Ni to tshuketela kwakwe koko, se ni m'daya, nguko ani ni txi ziva taku kha na mbi hanya msana ka kuwa kwakwe, se ni to teka m'bhoti wule a nga ti nawo ha msungo ni di sinda dile a nga ti nado diwokoni kwawe, ni si tisa hawa ka nyamne wangu.

2 Samuwele 23:37

Zeleki, Muamoni; Naharayi, m'bheyerote, mnehi wa matxhari a Jowabhi, mwana Zeruiya;

1 Makronika 10:4

Sekoko Sawule a to khene ka mrwali wa matxhari akwe: Thavisa ditxhari dako u ni thola ngu dona, kasi ku vanyamakhutu vava va si ti ve ta ni tseketsela. Kambe mrwali wa matxhari akwe kha tumela, nguko a ti ti thava ngutu; sekoko Sawule a to teka ditxhari e ti thola ngu dona.

1 Makronika 10:5

A di ti woni koko, mrwali wa matxhari akwe taku Sawule a fite, nene a to teka ditxhari dakwe e ti daya efa.

1 Makronika 11:39

Zeleki, Muamoni, Naharayi m'bheroti; mrwali wa matxhari a Jowabhi, mwana Zeruiya;

Valamuli 4:9

Se Dhebhora a to khene: “Kha ditshuri, ni na tsula ni nawe, aniko nduma kha yi na mbi va yako ka nzila yi u yi tekako; nguko Mkoma a na ningela Sisera manzani ka wamsikati.” Se Dhebhora a to khukha e tsula ni Bharake, va txi ya Kedhesi.

2 Samuwele 1:7

Se mbimo yile ene a nga tshembereka e wona msana kwakwe, a to ni wona e ni dhana; kambe ani ni to khani: Ngani wuwa hawa!

2 Samuwele 1:9

Sekoko Sawule a to khene kwangu: Na ku kombela, tshuketa u ta ni daya, nguko ni tate ngu kupandiseka, kambe wotshe wutomi wangu wu ngadi kwangu.