Valamuli 9:4 - Bhiblia Yo Sawuleka

⁴ Se va to mninga mtxhanu wa magumi ni mambidi a maxekele a silivhela, ma nga ti dithepeleni ka Bhahali-Bheriti, se Abhimeleki a to thumisa maleyo, kasi kuthola ngu yona migewu yokari ya mahanyelo a kwa mbi na ditshuri, ve ema nayo, va txi mlondeta.

Valamuli 9:4 Referans Kwoze

Valamuli 8:33

Se ku to maheka taku, msana ka kufa ka Gidhiyoni, vanana va ka Israyeli va to tshumela va txi ti nyenyezisa ngu kulondetela va ka Bhahali, ve teka Bhahali-Bheriti va txi mmaha txizimu txawe.

Mithumo 17:5

Aniko Vajudha va to tala ngu wukwele, ve kujetela vavamna vokari va migewu, ava va nga ramba dibutho ve wusa dizunga didhoropani; se ve randela nyumba ya Jasoni, va txi lava Paulo ni Silasi kasi ku va yisa masoni ka vathu.

2 Makronika 13:7

A to ramba vavamna vokari va migewu, vanana va sigevenga ve wukela Robhowamu, mwanana wa Solomoni; Robhowamu i ti ngadi dijaha asi na mtamo mbiluni kwakwe, kha ya sikota ku va xula.

Valamuli 11:3

Sekoko Jefta a to tutuma a txi thava vanakwe, se a txi ya zumba ditikoni ka Tobha; kambe vavamna vokari va sindaka-milayo va to patana ni Jefta, va txi xoma kumweko nayo.

Mavingu 12:11

Awule a dimako mafu akwe a na khura ngu sakudya, aniko awule a londetelako mikara kha nga ni mapimo.

Jobe 30:8

I ti ti vanana va siphuku-phuku, vanana va vathu vo mbi na matina, va ti ti tutumiswa ditikoni.

1 Samuwele 22:2

Se votshe vathu vale va nga ti ti xaniseka, ni votshe vathu vale va nga ti ni minandu, ni votshe vathu vale va nga ti ni moya wo biha, va to sengeletana kwakwe, se ene e va mthangeli wawe; vale a nga ti na vo i ti vo dingana 400 wa vavamna.

2 Samuwele 6:20

Se mbimo yile Dhavhidha a nga wuya ku ta katekisa nyumba yakwe, Mikali, mwana Sawule, a to huma e hingeta Dhavhidha, a txi khene: Wudhumo muni wu nga mahwa ka mfumeli wa ka Israyeli nyamsi, koza u ti funungula masoni ka sithumi sa txisikati sa sithumi sako, wu txi nga m'thu wo pwata mapimo.

Zefaniya 3:4

Vaprofeti va dona mba kutikulisa, kambe kha va nga ni txithavo; vaphaxeli va dona va txhipisile wukhalo wo sawuleka, va txi ndaka mlayo.

Valamuli 9:27

Vona va to huma va txi ya thembweni kasi kuya elula mivhinya yawe, ve phwarasela mauvha awe, ve maha mibuso, va txi wulela dithepeleni ka txizimu txawe, amu va nga ya dyela kona ni kusela kona va txi ruketela Abhimeleki.