Valamuli 9:27 - Bhiblia Yo Sawuleka

²⁷ Vona va to huma va txi ya thembweni kasi kuya elula mivhinya yawe, ve phwarasela mauvha awe, ve maha mibuso, va txi wulela dithepeleni ka txizimu txawe, amu va nga ya dyela kona ni kusela kona va txi ruketela Abhimeleki.

Valamuli 9:27 Referans Kwoze

Valamuli 9:4

Se va to mninga mtxhanu wa magumi ni mambidi a maxekele a silivhela, ma nga ti dithepeleni ka Bhahali-Bheriti, se Abhimeleki a to thumisa maleyo, kasi kuthola ngu yona migewu yokari ya mahanyelo a kwa mbi na ditshuri, ve ema nayo, va txi mlondeta.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Jeremiya 25:30

Awe koko, u na profeta kwawe totshe timhaka tiya, u txi khawe kwawe: Mkoma wa dhuma-dhuma ngu txitimwi, wa pfalisa dipswi dakwe ngu nyumbani kwakwe ko Sawuleka; ngu kuthisisela, a na dhuma e wukela dizumbo dakwe, wa peka huwa ya litsako, nga mrukuti wa mauvha, a txi wukela vazumbi votshe va ha mafuni.

Masalmo 109:17

A randile kuruketela: “Konkuwa siruko si na wuyela ene! A ti si naveleli vamwani makatekwa: Ngu toneto, mathomo ma nave kule ni nene!

1 Samuwele 17:43

A to khene koko, Mufilista ka Dhavhidha: Ina ani no va yimbwa, aku u ni telako ni tindonga kani? Se Mufilista a to ruketela Dhavhidha ngu sizimu sawe.

Valamuli 16:23

Sekoko vathangeli va Vafilista va to tshangana, kasi kuningela mphaxo wa hombe ka txizimu txawe Dhagoni, ni kutitsakela, va txi kha vona: Txizimu txathu txi ningete Samusoni mlala wathu manzani kwathu.

Valamuli 9:46

Ngako va di engisile tona eto, vavamna votshe va txitezi txa Sikemi va to ya wulela mu ka mkhokhola, nyumbani ka Eli-Bherite.

Valamuli 8:33

Se ku to maheka taku, msana ka kufa ka Gidhiyoni, vanana va ka Israyeli va to tshumela va txi ti nyenyezisa ngu kulondetela va ka Bhahali, ve teka Bhahali-Bheriti va txi mmaha txizimu txawe.

Levhi 24:11

Awule i nga ti Muisrayeli ngu didhawa da mame dwe, a to womba mapswi a tshofu e ruketela Mkoma. Se ditina da mame wakwe i ti ti Xelomite, mwana Dhebhiri wa lihunzu la ka Dhani.

Eksodha 32:19

Mbimo yi a nga va a di hokile ha wugoveloni, a txi wona dirole ni kusinya ka vathu, Mosi a to tala ngu txiviti, a to tshotsha sileti si si nga ti manzani kwakwe a txi si faya hafuhi ka mmango.

Eksodha 32:6

Mangwanani ka kona ni mixo, va to wuka, va txi humisa miningelo yo hiswa, ni miphaxo ya kudikha. Vathu votshe va to khalahatsha va txi dya ni kusela; msana keto, va to khukha ve humula.

Valamuli 9:26

Gahali mwana Ebhedhi a to ta Sikemi kumweko ni vanawe, se vathu va Sikemi va to khata ku mthemba.

Hoseya 7:14

Se kha va dila kwangu ngu timbilu tawe, kambe va txi keta va di hamatahoni kwawe; va tshanganete fulaho ni vhinya, aniko ani va ni tshuralete.