Valamuli 9:25 - Bhiblia Yo Sawuleka

²⁵ Vathu va Sikemi va to veka vabarameli txitimwi ka mimango, avale va nga ti ti honyolela simaha sa votshe vale va nga txi pinda ngu nzila ya hafuhi kwawe. Se vathu va to maha ti to Abhimeleki e tiziva.

Valamuli 9:25 Referans Kwoze

Joxuwa 8:4

Se a to va ninga txileleto, a txi khene: “Wonani! Mi na ya baramela didhoropa ngu msana ka dona; mi nga tsuleni kule ngutu ni didhoropa; kambe motshenu mi na zumba mi di longile.”

Valamuli 9:24

atiya ti humelete kasi ku txi photelwa wugevenga wule wu nga mahwa, wo daya mtxhanu wa magumi ni magumi mambidi a vanana va Jerubhahali, ni ti to mnoha wawe wu txi wa txitimwi ka Abhimeleki mwanawe, awule a nga va daya, kumweko ni vavamna va Sikemi, avale va nga mkujetela kudaya vanawe.

Valamuli 9:26

Gahali mwana Ebhedhi a to ta Sikemi kumweko ni vanawe, se vathu va Sikemi va to khata ku mthemba.

Masalmo 10:8

Wa khalahatsha a txi baramela vathu hafuhi ni miti; wa sisala kasi kudaya vavanene; maso akwe ma solelela txisiwana.