Valamuli 9:2 - Bhiblia Yo Sawuleka

² “Na mi kombela ti to mi womba ka vathu va ku ni fanelo, va Sikemi, mi txi khanu: Ngu tihi i ku ta tinene kwanu: Kufumelwa ngu vathu va mtxhanu wa magumi ni mambidi, i ku mtengo wa votshe vanana va Jerubhahali, mwendo kufumelwa ngu m'thu wammweyo kani? Alakanyani kambe tito, ani ni dirambu danu ni nyama yanu.”

Valamuli 9:2 Referans Kwoze

Valamuli 8:30

Gidhiyoni a ti ni mtxhanu wa magumi ni mambidi a vanana va vafana, nguko a ti ti tekile vasikati votala.

Genesisi 29:14

Sekoko Labhani a to khene kwakwe: “Kunene awe ni nani hi dirambu dimwedo ni nyama yimweyo.” Se Jakobe a to zumba nayo, mtxima wumwewo wotshe.

Vahebheru 2:14

Ngu toneto, ngako vanana i ku mnoha wumwewo, ni nyama yimweyo, nene mbwa mtumbuluko wumwewo navo, kasiku e lovisa ngu lifo lakwe awu a fumako lifo, i ku ene Sathani.

1 Makronika 11:1

Sekoko votshe va ka Israyeli va to ta sengeletana ka Dhavhidha, kona Hebroni, va txi kha vona: Wona taku hi marambu ako ni nyama yako.

Vaefesu 5:30

nguko athu hi sihango sa mmidi wakwe.

2 Samuwele 19:13

Se ka Amasa, mi na khanu: Ina hi ngawe dirambu dangu ni nyama yangu kani? Txizimu txi na ni mahele ni tihi, ngako u si mahi mthangeli wa wugovelo masoni kwangu yotshe mbimo, ka wukhalo wa Jowabhi.

Valamuli 9:5

Kambe a to tsula nyumbani ka tate wakwe, kona Ofira, eya daya vanawe, vanana va Jerubhahali, mtxhanu wa magumi ni mambidi txitimwi ka dirigwi dimwedo. Se Jothamu mwanana wa tshole wa Jerubhahali, a to huluka nguko a ti sisate.

Valamuli 9:18

se anu nyamsi mi khukhile mi txi wukela nyumba ya tate wangu, mi dayela vanana vakwe va mtxhanu wa magumi ni mambidi a vavamna, txitimwi ka dirigwi dimwedo, se Abhimeleki, mwanana wa txithumi txakwe, mi mfumisile txitimwi ka vathu va Sikemi, nguko i mwananu);