Valamuli 9:15 - Bhiblia Yo Sawuleka

¹⁵ Se txikaye txi to womba ka mindonga yotshe txi txi kha txona: Ngako ngu ditshuri mi txi ni tota mafura kasi ku ni txi fuma txitimwi kwanu, ngonani mi ta sisala mtsundini kwangu. Ngako i si nga tona, wu na hume mndilo ngu ka txikaye, wu txi ta hisa mikedhari ya Libhanoni!

Valamuli 9:15 Referans Kwoze

Isaya 30:2

Va relelako veya Egipta, na va si wotisi txilo kwangu, kasi kuya ti tsanisa ngu mtamo wa Faro, ni kuveka themba yawe ka mtsudi wa Egipta!

Hoseya 14:7

Ava va no zumba ka mtsudi wakwe va na wuya; va na hanya kufana ni fulaho kambe va na veka siluva ku nga m'vhina mialakanyo yawe yi na fana ni vhinyo ya Libhanoni.

Isaya 2:13

Di na heta yotshe mikedhari ya Libhanoni, yo guleka ni kulapha; ni mikusu yotshe ya Bhasani;

Valamuli 9:20

Aniko, ngako i si nga tona, wu na hume mndilo wa Abhimeleki wu txi hisa vathu va Sikemi, ni va nyumba ya Milo; wu na hume mndilo ngu ka vathu va Sikemi ni ka nyumba ya Milo, wu txi hisa Abhimeleki!”

Dhaniyeli 4:12

Mazokoro a kona ma ti ti tshurile, ni mihando ya wona i ti yayingi, wu ti ni sakudya sa kueneta votshe vathu; Sihari sa txitinga si ti ti zumba ka mtsudi wa wona, ni sinyana sa nzumani si ti ti aka sisaka ka madhavi ya wona, sivangwa sotshe si si hanyako si ti ti mana sakudya ka wona.

Ezekhiyele 19:14

Ngu ka ndonga yimweyo ya madhavi a wona ku to huma mndilo, wu tshokomisa mihando ya kona, kha kuswi kumaneka ni ya yimweyo ndonga yo banga, yo fuma ngu yona. Atxiya njidilo, txi no thumela kumaha txidilo.

Isaya 37:24

Ngu sithumi sako, u sote Mkoma u txi khawe: Ngu sikotxikani sangu sasingi, ni kwelete titshokani ka mimango, madhawani ka Libhanoni; kambe ni na gangela mikedhari yakwe yo lapha, ni mikhure ya kona yo tshura, ni na hoka tshokani ka kona ko guleka ngutu, ka txitinga txa thembwe yakwe yo nona.

Masalmo 104:16

Mindonga ya Mkoma yi khuri, mindonga ya mikedhari ya Libhanoni a nga yi phaya.

2 Vafumeli 14:9

Sekoko Jehowasi mfumeli wa ka Israyeli, e rumela dipswi ka Amaziya mfumeli wa ka Judha a txi khene: Mpa wule wu ku Libhanoni wu to rumela dipswi ka mkedhari wu ku Libhanoni daku kha wona: Ningela mwanana wako eva msikati wa mwanana wangu; aniko sihari sa txitinga si nga ti ti Libhanoni, si to pinda si kandetela mkedhari.

Mitengo 21:28

Nguko mndilo wu tile ngu Hesibhoni, mxavingo wu khukhete didhoropani ka Sihoni; se wu lovisile Are, wa Vamowabhi, ni vahombe va mimangoni ka Arnoni.

Matewu 13:32

I mbewu ya yidotho ngutu ka totshe timbewu, aniko msana ka kuva yi di kute, yi maha tximilwa txa hombe kupinda sotshe similwa sa thembweni, yi txi kula yi maha mndonga, ahawa koza hambi sinyana sa nzuma si ta zumba madhavini ka wona.”

Ezekhiyele 31:3

Wona taku Asiriya i ti ti mkedhari Libhanoni, wa madhavi o tshura, a mitsudi ya sididi, na ma di laphile, tshoka ya kona yi ti ti hagari ka madhavi o txhuma.

Isaya 1:31

Se m'thu wa mtamo a na fana ni wufemu wa txikwenga, ni mthumo wa kona wu na fana ni tshatsha ya mndilo, aniko va na tura ngu wumbidi wawe, kupwateka ni wo va timela.

Valamuli 9:49

Ngu kumaha keto, votshe vathu, mmweyo ni mmweyo a to ganga didhavi dakwe, ve londeta Abhimeleki. Va to ya veketela madhavi txitimwi ka mkhokhola, ve hisa mkhokhola ni vale va nga ti sisate ka wona; veza va txi fa votshe vaaki va txitezi txa Sikemi, vo dingana 1.000 wa vavamna ni vavasikati.

Valamuli 9:14

Sekoko mindonga yi to womba ka txikaye yi txi kha yona: Ngono awe u txi ta fuma txitimwi kwathu!

Valamuli 9:16

Konkuwa koko mi di ti mahile ngu yotshe mbilu yanu, akuwa mi nga sawula Abhimeleki, mi mmaha mfumeli, ngako kambe mi di mahile ta tinene ka Jerubhahali ni nyumba yakwe, ngako mi di mahile eto kwakwe kasi ku m'bonga madingano ni fanelo ya mithumo yakwe;

Masalmo 29:5

Dipswi da Mkoma da wisa mindonga ya mikedhari; Mkoma wa wisa mikedhari ya Libhanoni!

Valamuli 9:44

Nguko Abhimeleki ni masotxhwa ale a nga ti ti nawo, va to tutuma va txi ya ema ngu ha txikeni, ka didhoropa, se mamwani masotxhwa ma to hinga votshe vale va nga ti hahanze, ma txi va dayela.

Sidilo 4:20

Msawuleki wa Mkoma, ene mtsimbilisi wathu va mñote kufana ni txihari txo wela diphalani. Kuve athu hi ti emete ene, ku a txi hi vhikela, hahatshi ka mtsudi wakwe, hi na hanya hagari ka matiko.