Valamuli 9:1 - Bhiblia Yo Sawuleka

¹ Se Abhimeleki, mwana Jerubhahali, a to ya Sikemi ka tindiya ta mame wakwe, eya womba-womba navo, ni yotshe ngamu ya tate wa mame wakwe, a txi khene:

Valamuli 9:1 Referans Kwoze

Valamuli 8:31

Se txikaba txakwe, a txile txi nga ti zumbile Sikemi ni txona txi to m'velekela mwanana wa mfana, awule a nga mraya ditina daku i Abhimeleki.

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

1 Vafumeli 12:20

Se ku to maheka ati to, va di ti pfite votshe vathu taku Jerobhowamu a wuyile, va to rumela dipswi do m'dhana e ta ka msengeletano, ve ta mfumisa txitimwi ka dotshe ditiko da Israyeli; kha ngaho wu a nga londisa mahanyelo a nyumba ya Dhavhidha, hahanze ka lihunzu la ka Judha.

1 Vafumeli 12:3

Va to rumisa ku eya dhanwa; se Jerobhowamu ni wotshe msengeletano wa ka Israyeli, va tile ve ta womba-womba ni Robhowamu, va txi kha vona:

1 Vafumeli 12:1

Se Robhowamu a to tsula Sikemi, nguko votshe va ka Israyeli va tile Sikemi, ku ta mmaha mfumeli.

2 Samuwele 15:6

Se Abhisalome a ti ti maha toneto ka votshe va ka Israyeli vale va tako ka mfumeli ku ta lamulwa; ngu kumaha keto, Abhisalome a ti ti ndinda timbilu ta vathu va ka Israyeli.

Genesisi 34:2

Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa.

Genesisi 33:18

Jakobe, ngako a di humile ngu Pedhani-Arani, a to hoka ngu kudikha didhoropani ka Sikemi, ditikoni ka Kanana, e gova, e gwimba ditenda dakwe, hafuhi ni didhoropa.

Valamuli 8:35

kambe kha va nga ninga kubonga ka nyumba ya ka Jerubhahali, i ku ene Gidhiyoni, ngu wotshe wunene wule a nga va mahela wona va ka Israyeli.

Jeremiya 41:5

kutota vavamna va Sikemi, Silo, ni Samariya; mtxhanu wa magumi ni mararu a vavamna, na va ti yote siletu sawe, syambalo sawe si ti bhandeletwe ni kuwilelwa; manzani kwawe va ti ni siningo sa sakudya ni sa mphaxo, kasi kuya ningela Nyumbani ka Mkoma.

Joxuwa 20:7

Sekoko va to sawula Kedhesi, ditikoni ka Galileya, mmangoni ka Naftali, ni Sikemi, mmangoni ka Efrayime, ni Kiriyati-Aribhe, i ku Hebroni, mmangoni ka Judha.

Valamuli 8:30

Gidhiyoni a ti ni mtxhanu wa magumi ni mambidi a vanana va vafana, nguko a ti ti tekile vasikati votala.