Valamuli 8:6 - Bhiblia Yo Sawuleka

⁶ Aniko vathangeli va Sukote va to xamula, va txi kha vone: “Ina se ma mtamoni kwako manza a Zebha ni a Salmuna, eko u ku khawe, hi na ninge sakudya dibutho dako da yimbi kani?”

Valamuli 8:6 Referans Kwoze

1 Vafumeli 20:11

Sekoko mfumeli wa Israyeli a to xamula, a txi khene: M'geleni ku khanu: Kha ti guleti awule a ku nga txi xoma kufana ni wule a nga xula.

Vafilipiya 2:21

Votshe va khatalela wutomi wawe, i si nga timhaka ta Jesu Kristu.

Mavingu 18:23

Txisiwana txi womba-womba ngu kukhongotela, aniko nyatithombe a womba-womba ngu kunemetisela.

2 Vafumeli 14:9

Sekoko Jehowasi mfumeli wa ka Israyeli, e rumela dipswi ka Amaziya mfumeli wa ka Judha a txi khene: Mpa wule wu ku Libhanoni wu to rumela dipswi ka mkedhari wu ku Libhanoni daku kha wona: Ningela mwanana wako eva msikati wa mwanana wangu; aniko sihari sa txitinga si nga ti ti Libhanoni, si to pinda si kandetela mkedhari.

Valamuli 8:15

Sekoko Gidhiyoni a to hoka ka vathu va Sukote, a txi ya va gela tiya: Zebha ni Salmuna hi nga vona vava mi nga ni xowokisa ngu mhaka yawe, mi txi khanu: “Ina se ma mitamoni kwako manza a Zebha ni a Salmuna, eko u ku khawe hi na ninge sakudya dibutho dako da yimbi di nga karala kani?”

Valamuli 5:23

Ruketelani Merozi, kuwomba Ngelozi ya Mkoma, ruketelani, ruketelani, vaaki va kona! Nguko, kha vata ku ta lamulela Mkoma, ku ta lamulela Mkoma, kumweko ni tindena.

Genesisi 37:28

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Genesisi 37:25

Ti di ngeto, va to khalahatsha va txi dya sakudya. Mbimo yi va nga gula maso, va to wona mtxawa wa va ka Ismayeli, va kuta ngu Gileyadhi; makamelu awe ma ti rwate mafura o bhumula, ni makha, ni mira, va txi ya naso Egipta.

Genesisi 25:13

Matina a vanana va Ismayeli, madingano ni tiveleko tawe, ngu awa: Matiwula ngu Nabhayoti, ku txi gameta Kedhari, Adhibheli, ni Mabhisani,

Valamuli 8:5

Se Gidhiyoni a to gela vavamna va Sukote, a txi kha ene: “Na mi kombela ti to mi txi ha sikhwemu sa mapawu vathu vava ni ku navo, nguko va karate kasi ku hi mana kututumisa Zebha ni Salmuna, vafumeli va Vamidhiyani.”