Valamuli 8:5 - Bhiblia Yo Sawuleka

⁵ Se Gidhiyoni a to gela vavamna va Sukote, a txi kha ene: “Na mi kombela ti to mi txi ha sikhwemu sa mapawu vathu vava ni ku navo, nguko va karate kasi ku hi mana kututumisa Zebha ni Salmuna, vafumeli va Vamidhiyani.”

Valamuli 8:5 Referans Kwoze

Genesisi 33:17

Aniko Jakobe a to teka nzila ya kuya Sukote, aho a nga ya aka kona nyumba ni sibala sa sifuyo sakwe; ngu mhaka yeto, wukhalo wule wu dhanwa ngu ditina daku i Sukote.

Masalmo 60:6

Txizimu txi wombile txiluveloni ka txona txi txi kha txona: “Ni na tsaka ni txi abanisa Sikemi ni na pima mkova wa Sukote!

1 Samuwele 25:18

Sekoko Abhigayeli a to kuluveta e teka 200 wa mapawu, ni misava yimbidi ya vhinyo, ni mtxhanu wa tinvuta to bhikwa, ni mtxhanu wa sirundu sa mafaka o sokotwa, ni 100 wa sizangwa sa mauvha, ni 200 wa sirema sa makuwa, e si sanzeka txitimwi ka timbongola,

Dhewuteronome 23:4

Nguko kha va mi hingeta hanzila ni sakudya ni mati, kuhumani kwanu ngu Egipta; kambe va xavile Bhalahamu, mwana Bheyori, wa kuta ngu Petori, ka Mesopotamiya, kasi ku e mi ruketela.

Genesisi 14:18

Melkisedheki, mfumeli wa Salema, a to tisa dipawu ni vhinya, ene i ti mphaxeli wa Txizimu Nyatxitimwi.

Valamuli 8:10

Se Zebha ni Salmuna va ti ti manekela Karikori, kumweko ni mabutho awe a yimbi aku dingana vavamna va 15.000, ava va nga ti sate ka otshe mabutho a wutxani; mtengo wa masotxhwa awa ma nga fa i ti 120.000 wa vale va nga txi tiziva kundiwita matxhari.

Valamuli 8:12

Se Zebha ni Salmuna va to tutuma, aniko ene a to va londeta, a txi ya va ñola ngu wumbidi wawe vafumeli vale va Vamidhiyani, i ku Zebha ni Salmuna, se a to hangalasa dotshe dibutho.

Valamuli 8:15

Sekoko Gidhiyoni a to hoka ka vathu va Sukote, a txi ya va gela tiya: Zebha ni Salmuna hi nga vona vava mi nga ni xowokisa ngu mhaka yawe, mi txi khanu: “Ina se ma mitamoni kwako manza a Zebha ni a Salmuna, eko u ku khawe hi na ninge sakudya dibutho dako da yimbi di nga karala kani?”

Valamuli 5:23

Ruketelani Merozi, kuwomba Ngelozi ya Mkoma, ruketelani, ruketelani, vaaki va kona! Nguko, kha vata ku ta lamulela Mkoma, ku ta lamulela Mkoma, kumweko ni tindena.