Valamuli 8:4 - Bhiblia Yo Sawuleka

⁴ Se Gidhiyoni a to hoka Jordhani a ha a nga ya txhatuka, kumweko ni vavamna vale a nga ti navo va 300, va txi hinga Vamidhiyani, hambi ku va nga ti karate.

Valamuli 8:4 Referans Kwoze

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

2 Vakorinto 4:16

Ngu toneto, kha hi gumi mtamo. Hambi mmidi wathu ngu ha hanze wu txi maha wo onheka, kambe ngu mndani wu hinduka wu txi maha wa wuphya ditshiku ni ditshiku.

1 Samuwele 30:10

Se Dhavhidha a to londeta Vaamaleki, ene ni 400 wa vavamna, nguko 200 wa vavamna va ti sate msana, kha va sikota kutxhatuka txinambwana txa Bhesori, ngu kukarala ngutu.

Valamuli 7:25

Se va to ñola vafumeli vambidi va Vamidhiyani, Orebhi ni Zehebhe; va to daya Orebhi dirigwini ka Orebhi, va txi daya Zehebhe nzekani ka Zehebhe. Va to hinga Vamidhiyani, va txi neha msungo wa Orebhi ni wa Zehebhe, va txi ta nayo ka Gidhiyoni, mitxhatuko ka Jordhani.

Valamuli 8:3

Txizimu txi ningete manzani kwangu vathangeli va Vamidhiyani, i ku Orebhi ni Zehebhe. Mthumo muni ani ni nga wu maha, wo fana ni wu anu mi nga wu maha kani?” Se ngako va di engisile mapswiyo, txiviti txawe txi to relela.

1 Samuwele 30:8

Sekoko Dhavhidha a to wotisa ka Mkoma a txi khene: Ina ni nga wulondeta mtxawa wuwa wa masotxhwa kani? Ina na wu mana kani? Se Mkoma a to m'gela ku khene: Wu londete, nguko ngu ditshuri u na wu mana kambe u txhatxhisa sotshe.