Valamuli 8:30 - Bhiblia Yo Sawuleka

³⁰ Gidhiyoni a ti ni mtxhanu wa magumi ni mambidi a vanana va vafana, nguko a ti ti tekile vasikati votala.

Valamuli 8:30 Referans Kwoze

Valamuli 9:5

Kambe a to tsula nyumbani ka tate wakwe, kona Ofira, eya daya vanawe, vanana va Jerubhahali, mtxhanu wa magumi ni mambidi txitimwi ka dirigwi dimwedo. Se Jothamu mwanana wa tshole wa Jerubhahali, a to huluka nguko a ti sisate.

Valamuli 9:2

“Na mi kombela ti to mi womba ka vathu va ku ni fanelo, va Sikemi, mi txi khanu: Ngu tihi i ku ta tinene kwanu: Kufumelwa ngu vathu va mtxhanu wa magumi ni mambidi, i ku mtengo wa votshe vanana va Jerubhahali, mwendo kufumelwa ngu m'thu wammweyo kani? Alakanyani kambe tito, ani ni dirambu danu ni nyama yanu.”

1 Vafumeli 11:3

A ti ti ni 700 wa vasikati, ni 300 wa sigango; se vasikativo vakwe va to m'dya mbilu.

Dhewuteronome 17:17

A na ti wonele, asi teki vasikati votala, kasi ku mbilu yakwe yi si timetwi; kambe a nga sengeletele nzalama ni silivhela ngu kupindisa.

Malakiya 2:15

Ina kha mi maha mmweyo dwe, e mi ninga ni moya kani? Se ngu kutxani mi va mmweyo kani? Ene a ti ti lava mbewu ya vo lulama; ngu konaho, ti xayiseni mimoyani kwanu, kambe ni wammweyo a nga leke kuthembeka ka msikati wa wujaha wakwe.

2 Vafumeli 10:1

Se Akabe a ti ti ni mtxhanu wa magumi a vanana kona Samariya; Jehu a to bhala mapapilo e ma rumela Samariya, ka vathangeli va Jezireyeli, ni madhota, ni ka vaxayisi va vanana va Akabe, a txi khene:

Valamuli 12:14

Se ene a ti ti ni mune wa magumi a vanana va vafana, ni magumi mararu a vatukulu, va nga ti gadha mtxhanu wa magumi ni mambidi a timbongola; se a to lamula Israyeli, amu ka mtxhanu wa malembe ni mararu.

Valamuli 12:9

Ene a ti ti ni magumi mararu a vanana va vafana; aniko e lowotisa magumi mararu a vanana vamahorana; kambe e lowota magumi mararu a vanana mahorana, ka vanana vakwe va vafana; se a to lamula Israyeli amu ka mtxhanu wa malembe ni mambidi.

Valamuli 10:4

Kambe a ti ti ni magumi mararu a vanana, avale va nga txi gadha timbongola ta magumi mararu; se va ti ti ni magumi mararu a madhoropa, aale ma dhanwako ku i Havhote-Jayiri, kala ka ditshiku da nyamsi; aale ma ku ditikoni ka Gileyadhi.

Eksodha 1:5

Votshe va nyumba ya ka Jakobe, i ti ti mtxhanu wa magumi ni mambidi a vathu. Kambe Josefa a ti ti maneka a di Egipta ngu kale.

Genesisi 46:26

Ava va nga tsula kumweko ni Jakobe ditikoni ka Egipta, ava i ku liveleko lakwe, hahanze ka vasikati va vanana vakwe va majaha, mtxhanu wa magumi ni dimwedo ni mtxhanu wa vathu ni mmweyo.

Genesisi 7:7

Se Nowa ni vanana vakwe, ni msikati wakwe, ni vasikati va vanana vakwe, a to wulela navo ngalavani, kasi ku e huluka ka mati a ndambi.

Genesisi 2:24

Ngu mhaka yeto, wamwamna a na leka tate wakwe ni mame wakwe, eya ti patanisa ka msikati wakwe; vona va na va i di nyama yimmweyo.

Valamuli 8:31

Se txikaba txakwe, a txile txi nga ti zumbile Sikemi ni txona txi to m'velekela mwanana wa mfana, awule a nga mraya ditina daku i Abhimeleki.

Valamuli 9:18

se anu nyamsi mi khukhile mi txi wukela nyumba ya tate wangu, mi dayela vanana vakwe va mtxhanu wa magumi ni mambidi a vavamna, txitimwi ka dirigwi dimwedo, se Abhimeleki, mwanana wa txithumi txakwe, mi mfumisile txitimwi ka vathu va Sikemi, nguko i mwananu);

Valamuli 9:1

Se Abhimeleki, mwana Jerubhahali, a to ya Sikemi ka tindiya ta mame wakwe, eya womba-womba navo, ni yotshe ngamu ya tate wa mame wakwe, a txi khene: