Valamuli 8:27 - Bhiblia Yo Sawuleka

²⁷ Se Gidhiyoni a to teka nzalama yile a txi maha txithombe txa efodhe ngu yona e txi veka didhoropani ka Ofira. Votshe va ka Israyeli va to leka Txizimu ve khozela txithombe txileya, se eto kambe ti to maha txikhuvekiso ka Gidhiyoni, ni ka yotshe nyumba yakwe.

Valamuli 8:27 Referans Kwoze

Masalmo 106:39

Ka toneto ni vona va ti nyenyezisile ngu mithumo yawe ve maneka va sa thembeka ka Txizimu.

Valamuli 18:14

Sekoko vavamna vale va mtxhanu va nga ya xola ditiko da Layisi, va to xamula ka vanawe va txi kha vona: “Ina ma tiziva taku, tinyumba mule ku ni efodhe yimweyo, ni titerafime, ni txithombe tximwetxo txo vatwa, ni tximwani txo wumbwa kani? Wonani koko konkuwa, ati mi no ti maha.”

Valamuli 17:5

Se wamwamna wuwa Mika, a ti ti ni nyumba ya sizimu, se a to maha efodhe ni titerafime, a to sawula mmweyo ka vanana vakwe, kasi ku a na va mphaxeli wakwe.

Valamuli 18:17

Sekoko na va di kwelete vavamna vale va mtxhanu, avale va nga ti tsute kuya xola ditiko, va to wulela nyumbani, veya teka txithombe txo vatwa, ni efodhe, ni titerafime, ni txithombe txo wumbwa, na mphaxeli a di emile ha txidingeni, kumweko ni 600 wa vavamna vale va nga ti xomile matxhari.

Dhewuteronome 7:16

Ngu kumha keto, u na fuvisa vathu votshe, vale Mkoma, Txizimu txako, a no va ningela kwako; diso dako di nga ve ni wumbilu ngu vona, kambe u nga khozele sizimu sawe, eto ti nga va i di litshenga kwako.

Valamuli 6:24

Sekoko Gidhiyoni a to aka konaho txiluvelo txa Mkoma, se a txi txi raya ku Mkoma i kuthutha, txiluvelo txiya txi nga diho kala ni nyamsi kona Ofira, ka Abhiyezeri.

Eksodha 23:33

Vona kha va na mbi zumba ditikoni kwako, kasi ku va si mi onhisi masoni kwangu, nguko mi txi khozela sizimu sawe, mi na loviswa ngu mlawu.”

Hoseya 2:2

Khongotelani mame wanu, mkhongoteleni, nguko ene hi nga msikati wangu, se ani kha ni nga mwamna wakwe; a na hambane ni wugelegele khoheni kwakwe, ni wungango wakwe titshumbuni kwakwe.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Masalmo 73:27

Nguko ava va zumbako kule ni nawe va na lova; awe wa va fuvisa votshe vale va ku phikizako.

Valamuli 6:11

Sekoko Ngelozi ya Mkoma, yi to ta yi txi ta zumba hahatshi ka mkusu wu wu ku Ofira ka Jowasi, wa lihunzu la ka Abhiyezeri. Gidhiyoni, mwanana wakwe, a ti ti hula fulaho amu dipipani, kasi ku yi hulukisa ka Vamidhiyani.

Dhewuteronome 12:5

aniko mi na ya khozela Mkoma, Txizimu txanu, ka wukhalo wule a no wu sawula hagari ka totshe tihunzu tanu, kasi kuveka kona ditina dakwe, ni kuva a txi zumba kona; se mi na va koneho.

Dhewuteronome 7:25

Mi na hisa ha mndiloni sithombe sa sizimu sawe. U nga navele silivhela ni nzalama yile yi nga si fenengeta, kambe u nga si teke si maha sako, kasi u siwi ha litshengani, nguko nzimaha so nyenyeza ka Mkoma, Txizimu txako.

Valamuli 8:26

Se kunemela ka tiphera ta nzalama, ati ene a nga kombela, ku ti ti hoka ka magumi mambidi a makilu a nzalama, ku si balwi ni masinda, tiketani ni syambalo sa masilika, asile vafumeli va Vamidhiyani va nga ti ambate, na ku si balwi kambe ni tiketani ta tithamoni ka makamelu awe.

Valamuli 8:28

Ti di nga eto Vamidhiyani va khozisilwe ngu va ka Israyeli, va si ngadi kambe ve guleta msungo; ditiko ni dona di zumbiseka amu ka malembe a mune wa magumi, ka mbimo yotshe ya kuhanya ka Gidhiyoni.

Eksodha 32:4

ene a to amukela singeda sa nzalama ngu manzani kwawe, e ti veka mu ka txikadyana, e ti nyivilikisa, se a txi maha ngu tona txithombe txa dirole. Sekoko va to kha vona: “Asiya ngu sona sizimu sako, awe Israyeli, asile si nga kuhumisa ditikoni ka Egipta!”

Eksodha 34:16

Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

Valamuli 2:2

Se anu koko, mi nga maheni txitumelelano ni vaaki va ditiko diya; aniko khundumuselani siluvelo sawe.” Kambe anu, kha ma engisa dipswi dangu. Ngu kutxani mi nga mahetela toneto kani?

Valamuli 2:3

Ngu mhaka yeto nani ni nga khani: Kha ni na mbi va tutumisa masoni kwanu; aniko va na va txitimwi kwanu, se sizimu sawe si na va milawu kwanu.

Masalmo 106:35

se aniko va to ti patanisa kumweko navo, ve tekelela mtumbuluko wa mahanyelo awe;

Ezekhiyele 7:20

Va ti kulisile ngu ku ti bombisa ngu silivhela ni nzalama; kambe va mahile ngu sona sifananiso sa manyala awe sa kwa mbi tumeleka; ngu toneto, ni si mahile si maneka i di nzambwa.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.